58歲江欣燕年初認患病出活動疑因不適提早離場臉部不尋常跳動兼身形暴脹：自己知自己事

更新時間：16:30 2025-08-23 HKT
發佈時間：16:30 2025-08-23 HKT

現年58歲江欣燕近年健康出現問題，今年年初承認患上甲狀腺亢進症，需要長時間食藥控制病情，她曾說︰「我一年前身體出現問題，連酒都戒了，嗰陣時真係長時間瞓唔到覺，仲要無時無刻都好亢奮好精神，搞到個人好辛苦，有時候手腳都會冇力，咁所以到而家我都仲要食藥搞到病情。」

江欣燕出活動提早離場

江欣燕昨日（22日）出席TVB新劇《俠醫》的啟播活動，因劇中老公鄭子誠未有出席活動，江欣燕與程可為結伴行紅地毯，穿上紅色露肩晚裝加6吋高跟鞋及大波浪頭現身的江欣燕，與年初主持《友乜唔講得》時相比，身形出現嚴重變化，在記者會中途疑因身體不適，在工作人員陪同下台休息。

江欣燕活動中途在工作人員陪同下離場

江欣燕在記者會上狀態令人感到擔憂，現場所見，她站在台上後面容開始出現扭曲，更不停碎碎唸，接着她與程可為在工作人員陪同下離場，小休過後，江欣燕當眾除鞋，索性赤腳周圍走。其後江欣燕接受訪問，她否認身體不適：「我睇到個rundown有好多傾偈時間，我一早同咗公關講，我對鞋有6吋高，同埋天氣又好熱，我又冇食嘢，有少少頭暈，如果中間冇我哋，可唔可以安排我哋落去坐，唔係大病，唔使擔心！」

江欣燕臉部出現不尋常跳動

在訪問期間，「口腫面腫」的江欣燕臉部出現不尋常跳動，表情亦欠缺自然，她避談目前情況，只說：「休息吓喇，冇事，冇事，我不嬲都好注重健康，因為健康比錢更加珍貴，尤其我而家都唔係年紀輕，如果想行更多嘅路，係要對自己好啲，反而以前細個我係好捱得，係過份捱得，自己知自己事，有啲嘢、體能唔好亂咁嘥，等啲年青嘅去衝。」

↓立即下載星島頭條App↓