陳姓亞姐被爆遲到畀100蚊叫人讓路兼暗示搞事 美甲師列三大特徵網民驚訝一句話「重年代感」
發佈時間：20:00 2025-08-17 HKT
有陳姓亞姐近日被網民在Threads上爆料，出PO分享遇到的經歷，並貼出三張對話截圖，以正視聽。網民指有顧客預約整指甲，卻在預約時間才出門口，擺明遲到，還提出多付100元予下一位客人讓出時間。網民列出三個特徵，指該位顧客「姓陳」、「亞姐」、「住大埔」，即引起大批網民推上熱話，抽絲剝繭搵「亞姐」真實身份。
網民公開對話截圖
原帖文網民近日在Threads發文：「估唔到琴（尋）晚篇嘢咁大回響，其實真係好多，俾多個你地睇。約佢11:30，11:30先喺大埔出門口，話比（俾）$100叫我後面個客等一陣，亞姐嚟姓陳（唔開名啦，一陣俾人告）。」網民同時公開三張對話截圖證明事件。
相關閱讀：張曼玉被傳買衫求折扣財政狀況掀討論？ 拍小紅書片服飾成熱話 名牌袋襯百元平民衫飄氣質感
下一節客人趕返工
見到網民的對話截圖內容，相信原帖文網民的工作是美甲師，陳姓亞姐預約整指甲，雙方經過溝通後，最終落實早上11時半。不過到當日上午11時24分，陳姓亞姐聯絡美甲師，表示在大埔趕緊出去。但美甲師表示下一位客人只有午飯時間，要趕返公司不能遲到，陳姓亞姐卻稱：「我比（俾）多100蚊啦，下個客可唔可以等一等」。
美甲師封鎖陳姓亞姐
美甲師對陳姓亞姐稱要用錢買時間，似乎感到不滿，連環回覆短訊：「我都坐喺度白等1小時了」、「下次如果起不到身，真的不要約這麼早」、「我真的晨早爬起身，白坐了1小時」，陳姓亞姐就認為因此下午冇期所致：「想約下午嘎，你話無位，我已經到尖沙嘴，話比（俾）多D錢妮（你）又話唔得，咁我可以點呢」，美甲師最終將陳姓亞姐封鎖。
有網民估陳美濤
帖文曝光後，不少人猜測陳姓亞姐是誰，當中姓陳的亞姐，有1992年最上鏡小姐兼最完美體態獎得主陳綺明、1996年冠軍陳煒、1999年季軍陳薇、2024年三料冠軍陳美濤（Tomato）等。有多位網民網民留言推測，點名某位亞姐居住大埔。另有網民問：「係咪陳蕃茄？」
陳美濤一齊「食花生」
引來陳美濤本人回覆：「大家好，我係亞姐陳蕃茄，好多人問係咪我，事主唔係我，我從來唔整指甲（附圖）而且我唔遲到呢，從幼稚園讀到博士都冇遲過到」。陳美濤之後更「食花生」，與網民進行討論。
美甲師公開新發展
之後美甲師再出新PO，表示被對方要求刪除原帖文，美甲師表示沒有開名，對方仍要求刪PO，否則會介紹人到美甲師的店舖。有網民取笑：「亞姐開咗名都冇人識啦」、「2025年啦！竟然仲會聽到有人兇人係講『係咪想我介紹啲人上你舖頭』，年代感重」。
