鄧兆尊自爆從不自慰：我畀我阿爸嚇過揭老竇新馬師曾睇中90年代女神竟由祥嫂促成約會？

更新時間：09:00 2025-08-17 HKT
發佈時間：09:00 2025-08-17 HKT

鄧兆尊近日接受好友李珊珊YouTube節目《三坐山》訪問，話題尺度非常大，由鄧兆尊早年欣賞的女星聊到新馬師曾的另類性教育，娛樂性極高！鄧兆尊在節目中分享，自己從來沒有自慰行為，原因是新馬師曾對他分享過一件事，他直言：「我畀我阿爸嚇過。」

新馬師曾聲稱師弟因自慰身亡

李珊珊表示近日有人提出不要反對男士看AV，問及鄧兆尊的看法，二人最終竟然討論起自慰行為。鄧兆尊表示：「我自己冇嗰個運動（自慰）。」李珊珊表現驚訝即追問原因，鄧兆尊說：「我由細到大呢……我畀我阿爸嚇過，佢攞張相畀我睇、傾偈，『呢個我師弟』，黑白相，好後生，個樣好似依家吳家樂再後生啲咁，佢話畀我聽（師弟）17歲，死咗喇！點死啊？打咩打死嘅……」鄧兆尊表示，爸爸聲稱這位師弟當年收錢讓人看他自慰，「打到上蚊帳頂，我話咁犀利？『係呀，佢收錢打畀人睇，打得多依家死咗喇，死嗰陣時17歲』。跟住我就好驚，所以從來都冇對自己做過呢種行為。我阿爸話晒都做咁多年戲，畀佢呃鬼咗。」鄧兆尊更笑稱與「細佬」關係從來都好疏離，「完全唔接觸，因為我一接觸嗰陣已經有女朋友。大咗先發覺有乜可能射到咁高，原來又係吹水。」

新馬師曾一度看中女神張敏

新馬師曾向來被指風流，鄧兆尊就大爆爸爸曾看中90年代性感女神張敏。他說：「佢嗰陣最鍾意張敏，佢睇電視話『張敏幾靚喎，如果可以有日約佢出嚟食飯就好喇』，跟住我阿媽真係幫佢約咗出嚟，介紹佢哋識，轉頭我阿媽就話『佢係向華勝女朋友嚟㗎』，我阿爸『哦……我食個飯啫，冇嘢嘅，我欣賞佢嘅演技啫』。」鄧兆尊指媽媽祥嫂（洪金梅）最愛作弄爸爸。

↓立即下載星島頭條App↓