海兒被《中年好聲音》監製訓話：XX有啲嚴重播出後仍被攻擊周國豐列兩點幫口

更新時間：16:35 2025-08-16 HKT
發佈時間：16:35 2025-08-16 HKT

海兒因擔任《中年好聲音》評審而人氣急升，憑歌唱實力與高顏值成功吸粉，不過同時亦有Haters。海兒曾在節目中說評語時說太多英文而被網民批評做作，說廣東話又被批評多懶音，但其實海兒在國外留學，本來就是說英文為主，雖然已盡力學說廣東話，但亦仍然被批評。海兒近日接受周國豐網上節目分享，其實在錄影前已被《中年好聲音》監製訓話指她懶音嚴重，她有積極改善。

海兒曾被監製指懶音嚴重

海兒分享當初《中年好聲音》監製找她出任評審的細節，她表示：「其實我做呢個節目之前其實我唔知（有懶音），我身邊嘅人真係好溫柔，因為由細到大都冇同我講我有懶音。第一次被告知我有懶音係我見《中年好聲音》監製，我哋見面傾偈，佢就話『你懶音都有啲嚴重，我哋做電視節目，最好要改』，佢話有一個月時間畀我去改，當時我就開始有學廣東話。」海兒表示因此雖然在節目中仍有懶音，但其實她已經改善了懶音的情況，「我冇介意佢哋話，但我介意我有（懶音）。」

周國豐被監製要求不要黑面

周國豐安慰海兒，讚賞她做評審的表現已非常好。他說：「我覺得對你要公平啲，雖然網上有啲朋友會攻擊你有懶音，但我覺得你作為一個評審，你完全係稱職。同埋多咗一個角度，好靚囉……雖然平時對開肥媽都係好靚！突然條年齡線（下降）……應該添sir（張佳添）係最開心。」周國豐表示他也曾被《中年好聲音》監製訓話，要求他不要常常板著臉，「我習慣成日都皺埋眉頭，就算嗰個人唱得好好，我都係皺埋眉頭。」

↓立即下載星島頭條App↓