前《東張》女神利穎怡宣布懷孕 拔罐減肥意外發現有喜 陀B七月「長胎唔長肉」手腳纖幼
發佈時間：11:29 2025-08-14 HKT
前《東張》女神利穎怡（Joan）宣布懷孕了！利穎怡去年7月與TVB結束12年賓主關係後，在演藝事業有新的發展，以自由身在HOT TV擔任《一級搜查》的主持工作，但近日利穎怡身形明顯圓潤、上圍豐滿了不少，而且不時用手遮着肚子，孕味極濃。
利穎怡大方承認已經懷孕
利穎怡其後回覆傳媒並大方承認已經懷孕：「早幾年已經積極造人，但係一路都唔成功，本來今年諗住放棄專心工作，點知上天就畀咗呢份禮物我哋。利穎怡回覆《星島頭條》坦言遲遲未公開懷孕的原因：「一1路唔公開最主要係好驚會無人搵我工作，不過而家個肚開始大，都唔驚得咁多。」
相關閱讀：37歲前《東張》女神被嘲醜似豬扒 為開劇躺手術床接受美貌大進化！
利穎怡目前懷有7個月身孕
利穎怡目前懷有7個月身孕，她以短訊回覆《星島頭條》時表示：「陀B其實都唔算計劃當中，因為都試咗一排唔成功，離開舊公司後就諗住拼搏事業唔諗懷孕…點知突然有一日去拍戲前，諗住去中醫拔罐減肥，中醫師問我會唔會懷孕唔拔得罐⋯⋯喺醫館check咗原來真係！當時好驚喜但同時心情係複雜既…因為第日已經要去拍戲。我即刻WhatsApp老公佢都好驚訝不過都係開心既。 懷孕起初係咁嘔⋯⋯好彩而家好啲，不過都唔可以食太飽驚會嘔….一到夜晚bb就係咁踢我，所以其實都唔係瞓得好好‧‧不過個肚開始大之後，我都盡量減產工作，盡量休息多啲⋯⋯但有時又會覺得成日喺屋企好悶，好矛盾。個肚開始大我就無做外景，我同導演講佢話本來仲以為我係肚脹。」
利穎怡本來計劃明天生日才公開
利穎怡稱第一次做媽媽心情複雜又緊張，今日她在IG限時動態發文，原來明天是她的38歲生日，本來計劃明天生日才公開，她還笑說：「原來得我一個覺得唔明顯唔會被發現，7個月先被發現已經好叻架喇，希望繼續工作做喇。」得天獨厚利穎怡「長胎唔長肉」，未見有水腫情況，而且手腳依然纖幼。利穎怡在2019年與圈外關姓男友結婚，她曾稱男友是她剛回流香港時認識，一齊經歷人生起伏，對於被指與公屋男結婚，利穎怡坦言感情不應與金錢掛鈎。離巢後利穎怡有不少新發展，她已成為註冊催眠治療師，亦參與多套內地劇的演出。
相關閱讀：前《東張》女神晒半裸浸溫泉相春情蕩漾 曾因壓力過大生理出現異常情況
