東張西望丨六旬失婚婦遭「靚仔」威脅綁架逼上床：我已經冇晒呢種知覺 被問拎裸照強硬拒愛
發佈時間：16:00 2025-08-12 HKT
TVB節目《東張西望》昨晚（11日）播出60歲旅行社老闆娘麗姐被「靚仔」逼上床事件！麗姐向《東張西望》報料，指8月初接獲一個WhatsApp訊息，一名自稱是某金融公司男職員趙子豪，向她查詢旅行團的資料，起初只是討論生意，後來男方言論越來越露骨，更想逼麗姐發生關係，麗姐表示：「我已經冇晒呢種知覺。」
麗姐被「靚仔」挑逗
由麗姐提供給《東張西望》的訊息截圖可見，趙子豪稱讚麗姐「好看」、「可愛」、「你真的很美」等。麗姐表示：「跟住佢又send佢嘅私人相片畀我，我話佢幾靚仔，答吓佢囉……佢話『你都幾識𠱁人』，開始同我聊天，畀啲靚仔相我睇，呢啲我覺得開始係騙人。」麗姐認為照片經過加工，非常肯定對方是騙徒，「我答佢『我唔鍾意靚仔』，總之我係阿婆喇，我唔鍾意男人，我亦都唔鍾意後生仔，你唔好同我講靚唔靚仔啦！」
相關閱讀：東張西望丨66歲老婦YoYo被一張性器官相解封情感的禁區 慾火焚身甘為型男獻上全副身家：真係心花怒放
麗姐被「靚仔」恐嚇逼上床
趙子豪見甜言蜜語沒有用，於是用強硬態度恐嚇麗姐。她表示：「佢話『要綁架你，令你會同我上床，知你幾點返工放工，隨時會嚟綁架你，綁到你同我上床為止』。因為我心態係覺得我都冇錢畀你呃，我唔怕畀你呃，我亦都唔會好似啲阿婆咁借錢畀你呃，所以我都兇返佢，如果再講、再騷擾我，我就報警。」但對方連警方都不怕，更指如果麗姐報警，他會到店舖找麗姐，讓麗姐見見他的真人。麗姐對於可能被騙色也表示害怕，「我咪就係驚呢樣囉！咁佢話要綁架我，接我放工，我一個人住㗎嘛！萬一跟我返屋企我就死梗！」
相關閱讀：東張西望｜61歲林映輝訪色慾老婦 網民讚：搵輝仔先頂得住 入行逾30年被譽為「四朝元老」
麗姐對靚仔不心動
麗姐透露自己離過婚，對感情事有陰影，「我對靚仔一啲都唔心動，係真！冇鍾意嘅類型，我唔鍾意男人嘅！我自己離咗婚啊，我有陰影啊！」趙子豪被多番拒愛後再出招，麗姐說：「佢最尾咪問我拎裸照囉！我咪即刻Cut佢囉！唔答喇，佢講呢啲仲答呀？」《東張西望》經麗姐提供的電話號碼嘗試聯絡趙子豪了解，但沒有人接聽，其後根據卡片上的公司電話找趙子豪，卻被該公司職員告知：「我哋IT技術部係冇趙子豪呢位同事。」麗姐最後叮囑大眾：「唔好信呀！邊有可能啊，你要搵鍾意嘅人、識人，真係好好哋去啲大棚人嘅活動，一班人出去玩，冇得呃你錢呀嘛！」
相關閱讀：東張西望丨66歲老婦YoYo為慾火眾叛親離 債主日日上門拖字訣叫報警 色心又起網上再交友：人係有唔開心
