前TVB「失業女藝人」嘆《香港小姐》對事業冇幫助：將自己擺到好低 為生計要學飲酒和交際
發佈時間：20:00 2025-08-09 HKT
現年38歲的前港姐季軍馬賽當年御任後憑天使面孔兼魔鬼身材受到TVB力捧，拍過多齣膾炙人口的劇集，不過在2014年爆出桃色新聞而賠上事業，最後黯然離巢。曾自嘲為稱「失業女藝人」的馬賽與富二代老公結婚並育有一女紀妍初（Camellia）近年宣布轉型從商，並單拖推200斤貨來港擺攤。
馬賽罕談與老公關係
早前馬賽接受資深傳媒人汪曼玲的YouTube節目《快拍。曼鏡頭》的訪問上，罕談與老公的關係，馬賽說：「 佢係喺我30歲嘅時候認識，嗰陣想尋求一個人嚟保護同依靠，當時我揀男朋友，就係唯一要求心地要好，其他嘢乜都唔睇。其實我老公有一樣好， 就係北方的男人不太在乎那些東西。佢唔會追究，亦知道我全部嘅嘢，佢睇咗我好多電視劇先嚟追求我。」
相關閱讀：前TVB「失業女藝人」因一事被影壇大亨痛罵半粒鐘 自認溫室小花難抵負評：我嘅世界反轉咗
馬賽坦言《香港小姐》係冇人認可
馬賽稱在2015年拍完《東坡家事》後，曾去了娛樂新聞還騷，後來還去了資敎，期間曾接過樂易玲的電話，叫她回去續約，不過馬賽最後拒絕：「 我都係第一次講好係好感謝，我有send訊息畀樂小姐話『我永遠感謝佢，因為冇佢冇我嘅今天』，因為嗰陣佢選咗我入《香港小姐》，但係我真係唔想再留喺香港，我想去北京。」馬賽坦言當時或多或少都有點逃避，不過每天都跟自己打氣，到了內地後，她自己去跑劇組兼發簡歷：「我先知道原來TVB將我保護得好好，離開咗TVB我受咗好多磨練，每天跑好多個人哋都係唔請，《香港小姐》係冇人認可，你係好普通。我喺北京都學識咗飲酒同交際，我嘅社交能力可以話百分之90都喺北京學返嚟，完全係後輩，去到邊度都係多多關照，是完全係將自己擺到好低好低。」
馬賽老公支持太太工作
對於婚姻，馬賽稱又是人生的另一課：「我覺得女仔有一種比較錯誤嘅教育，我哋相夫教子、要為家庭付出，我啱啱生女嗰幾年， 因為疫情唔可以外出，我咪留喺屋企相夫教子，但後來發覺我唔適合呢種生活，我係事業型嘅女性。我老公當時畀咗我一個好大嘅support，所以我就開始創業，其實我覺得北方人係冇南方人咁鍾意工作，北方人嘅性格好隨意，我哋南方人好似精幹，因為放暑假，我老公幫我照顧個女，我同佢講，因為我睇到唐詩詠創業、于淼同蔡淇俊都創業，所以我想嘗試返大灣區創業。」馬賽今年年初都未有定案，但因為好朋友嘅一番話，解開了心結：「佢一句說話點醒我，佢話係去回饋所有曾經支持過我嘅人，當你嘅念頭一轉，而家我喺網上睇到有人鬧我，我會『祝你開心、祝你發財』，當你嘅心態轉變咗，所有事情都轉變。」
相關閱讀：「失業女藝人」生活終見曙光 與最重要的人展開新一頁：是我最幸福的事
