視后超索家姐晒泳照曝光浮誇一面 選過港姐被封TVB最正熟女 網民洗版式問價
更新時間：11:00 2025-08-09 HKT
發佈時間：11:00 2025-08-09 HKT
發佈時間：11:00 2025-08-09 HKT
字體大小
TVB「最強繼母」、「視后」楊茜堯（前名楊怡）胞姊楊卓娜曾於2001年參加港姐入行，因外形凍齡不時被網民讚是「TVB最正熟女」。日前她冒住黑雨出發去旅行，到機場時才發現遺留護照，幾經辛苦才抵達目的地。楊卓娜今次去峇里島，連日來也有分享行程，入住Villa的她，在社交網晒出水著靚相，更透露：「咁大個女，都係第一次食咁浮誇嘅Floating Breakfast 早餐」。
楊卓娜完美展現身材
楊卓娜與拍拖逾十年的「燈箱大王」楊志翹帶同女兒，與好友去拉隊去旅行。楊卓娜大方分享性感泳照，紮起頭髮戴太陽眼鏡的她，穿上白色泳衣浸在泳池中，與漂浮的早餐影相打卡。楊卓娜揀選的泳衣款式以低胸設計，將豐滿上圍完美展現，效果極震撼。
相關閱讀：楊卓娜黑雨回家途中遇「決堤」險被水沖跌 清晨趕赴機場寸步難行：真係OMG
楊卓娜相機先食變下午茶
楊卓娜打卡的早餐相當豐富：「咁大個女，都係第一次食咁浮誇嘅Floating Breakfast 早餐，又係酒店嘅管家一早過嚟煮俾我哋食㗎！佢哋係廚房忙緊嘅時候，我哋仲喺房度按摩、化妝、換衫。唔使講，我哋梗係影相重要過食啦，結果搞咗一輪已經變咗下午茶，但係味道仍然都係good 嘅！最浮誇係價錢，真係唔敢相信，$60/person港幣左右，仲要係現場煮俾我哋食！真係有啲擔心會被縱壞」。
楊卓娜玩激流被嫌唔到手
楊卓娜最新的行程去玩激流，卻被嫌棄幫唔到手：「楊生話我冇出過力，冤枉啊大人，我只係喺我拍攝嘅時候唔出力。」不少網民對楊卓娜入住的Villa感興趣，留言問價錢地址外，亦有大批網民讚楊卓娜雖然已47歲，身材Keep得非常好：「真係好浮誇，超正」、「拍多點美照」、「平時收得太埋了」、「不愧是最索繼母」等。
相關閱讀：47歲視后胞姊兩度生蛇打蛇針現強烈反應 年初不慎細菌感染延遲診治致額頭疤痕
