港姐冠軍百億富豪老公做「炎明熹師弟」 已報名《中年好聲音4》：不到黃河心不死
發佈時間：11:00 2025-08-06 HKT
海馬牌床褥創辦人兼七海化工集團主席鄔友正在1999年與前港姐冠軍翁嘉穗（Virginia）閃婚，婚後二人育有大仔鄔謨雲（Jason）及二子鄔謨風（Kaspar）。早前先到英國觀看大仔的Power Lifting全英國比賽，接着一家四口齊齊歐遊。
鄔友正跟炎明熹唱歌老師學唱歌
日前鄔友正在小紅書以「70歲的第二春」為題，指自己「感覺自己在熱戀中！太浪漫了！」原來近年愛上唱歌：「人老了，更加要有目標，有夢想，所以決定參加《中年好聲音》4！」他又透露太太翁嘉穗閨密介紹了唱歌老師給他，原來他的老師是曾是歌手高晨維（Cleo），高晨維亦是炎明熹唱歌老師。
相關閱讀：港姐冠軍71歲富商老公與家人歐遊出事 腳板骨折突半邊身麻痹上落需用拐杖
鄔友正宣布報名《中年好聲音》四海選
鄔友正日前在小紅書宣布：「8月24日，《中年好聲音》四海選了！旗開得勝！」鄔友正亦有撰文解釋參選原因：「骨折後心情有些鬱悶，甚麼都不想做，只想坐下來休息！ 不過我都好大膽，去咗歐洲三個星期度假！ 度假時因為腳痛，所以拼命享受美食平衡一下心理！ 食得太多煎炸，甜品及雪糕，體重急升5kg！ 肚腩凸返出來！ 又要開始減肥了！」他又稱：「 去年撞傷眼角，血流如注，要四個月才好番！朋友都勸我靜一靜下來！ 現在又骨折，骨折又係要四個月才好返！ 」
鄔友正自嘲是參賽鐵拐友
但不幸事件似乎接蹱而來：「屋漏兼逢夜雨，本來8月31日的海選，提早到8月24日！ 腳傷兼小七日練唱歌，朋友都勸我退選！ 而且，我是一生人第一次面對評判，朋友都擔心我太緊張！ 不過不到黃河心不死，人生點都要做一次以前未做過的事情！ 雖然練習的時間好短，但照參加比賽，期待奇蹟出現！ 反正現在動彈不得，唯一可以做的事情就是坐着唱歌！ 今次骨折，不能走動！是否天意，逼我坐着練唱歌！ 我可能是第一個拿着拐杖參加比賽的新人！ 八仙之首係鐵拐李；我係參賽鐵拐友。」
相關閱讀：前港姐冠軍富豪老公撞爆腳骨拒做手術 赴傷去歐洲見證兒子重要時刻 ：為你感到驕傲
鄔友正成為「炎明熹師弟」努力練歌
成為「炎明熹師弟」的鄔友正現時努力練歌，雖然天文台於周二（8月5日）清晨5時50分再度發出黑色暴雨警報信號，不少地區有水浸報告，不過無阻鄔友正的決心。高晨維今日在IG貼上與鄔友正的合照並說：「風雨不改，每朝坐一個鐘車，準時10:00黎到學習，繼之前Gigi、Felix、Yuki、Raymond係無嘢可以阻到佢上堂之後，又一位即使黑雨、全港水浸，都無阻佢向著夢想前進的勇士！」她又說：「一個對音感、拍子完全無認識嘅商人，今日先知佢連Facebook、IG都無用，一心只係做好生意同家庭第一，今次有一個參加《中年好聲音》的夢！短短時間，佢努力急起直追，每日重重複複練習，佢不但無叫悶，無hea，受傷前佢兩個鐘頭都係企喺度唱，為練好氣，我叫佢坐下佢都話唔洗！喺佢身上親身體會到成功嘅人為甚麼成功！毅力、不怕辛苦、不怕悶、不放棄！好！無論走到幾多步，盡力就好了！每個人心底都一定有夢，勇敢追一次，又有甚麼可怕呢？」
