關詠荷激罕與張家輝同框睇夏韶聲演唱會 遇舊拍檔妙語連珠 TVB御用丫環離巢後年薪過百萬
發佈時間：17:00 2025-08-04 HKT
61歲的關詠荷（Esther）與同齡老公張家輝結婚22年，自不幸兩度小產，於2006年誕下女兒張童後，關詠荷已淡出幕前。甚少公開現身的關詠荷，日前與張家輝聯名送上花籃祝賀夏韶聲《Last Summer》演唱會演出成功，估不到人到禮到。
群星拉隊睇夏韶聲
曾與前TVB型男黃子雄拍拖8年的夏竹欣，昨日（3日）在IG分享睇夏韶聲演唱會的影片，還見到與到場睇Show的藝人合照，夏竹欣透露今次一行幾十人到場。合照中見到有夏竹欣老公外，還有胡楓、肥媽Maria Cordero、姜大衞與太太李琳琳、尹光、李浩林等。最令人驚喜是近年罕有公開合體的張家輝與老婆關詠荷，結伴到場。
相關閱讀：60歲關詠荷生圖流出！真實狀態不懼歲月痕跡 與張家輝同遊小鳥依人緊甜蜜放閃
關詠荷張家輝罕公開合體：
關詠荷黑髮烏黑精神好
關詠荷雖然已年過60歲，但一頭黑髮好精神，臉上不見皺紋，身形亦沒有走樣，保養得非常好，與淡出前變化不大。夏竹欣留言：「超開心呀～今晚一行廿幾人去睇Danny Summer嘅Last Summer演唱會，咁啱撞到家輝哥同好耐冇見嘅Esther，超開心，即刻攬攬先。」
關詠荷關心夏竹欣近況
夏竹欣透露見到關詠荷時，向對方介紹圈外人老公：「Esther第一句就問：你係咪結咗婚呀？我話：係呀，結咗好耐喇，呢個我老公。黎生：Hi！家輝哥即問黎生：佢做我丫環嘅時候你哋結咗未先？真係次次見親佢都比（俾）佢笑死。」
夏竹欣回憶合作點滴
夏竹欣回想起當年與關詠荷合作《同事三分親》的點滴：「諗返起好多以前日日一齊拍同事三分親拍足364集嘅開心日子，好好玩，好多美好回憶。最開心係我讚佢好靚，佢話你都係啦，直頭係冇變過。嘩！你咁讚我真係好Happy Wor！#祝大家都終身美麗 #同事三分親 #2007 #18年前 #最近有冇人又有睇返重播呢」。曾效力無綫15年，拍過《同事三分親》、《衝上雲霄II》的夏竹欣，離巢後成年薪過百萬的保險從業員。
相關閱讀：夏韶聲紅館首場險跌倒 激動獻唱《空凳》 彭健新任嘉賓竟然有少少驚？
夏韶聲《Last Summer》紅館演唱會精華：
