湯盈盈因一事成功收服浪子 錢嘉樂爆太太馭夫秘訣：唔知係咪佢阿媽教
發佈時間：14:00 2025-08-03 HKT
1996年港姐冠軍李珊珊與錢嘉樂因TVB劇集《烈火雄心》而拍拖，錢嘉樂曾多次在朋友起鬨下向李珊珊求婚，但最後「婚」訊變「分」訊，二人在2006年分手。李珊珊早前陳志雲的節目上稱「對方係被逼嘅情況下跪低去做呢件事，根本就唔係報紙所講，唔係真係求婚。」李珊珊亦斷言：「我哋從來都冇計劃過，從來都冇講過未來，真係冇未來，我覺得係個天安排，要完就完。
錢嘉樂回復單身後，與湯盈盈因拍攝《獎門人》而撻著，有傳湯盈盈第一次見到錢嘉樂就將他視為理想對象，藉著玩遊戲主動出擊，不久二人展開地下情，2012年結婚，婚後誕下大女錢凱晴（Alyssa）和細女錢凱琪（Kassidy），一家四口生活美滿。日前錢嘉樂接受鄭丹瑞的YouTube頻道《健康旦 HiEggo》的訪問，錢嘉樂盡顯鐵漢柔情的一面，坦言湯盈盈的出現改變了自己。
相關閱讀：李珊珊罕談與錢嘉樂分手內情 拍拖8年從未計劃過將來 跪地求婚竟與朋友有關
錢嘉樂坦言自己被太太改變
錢嘉樂和湯盈盈在2012年由「盈盈」和「樂樂」見證下簽紙結婚，當時成為一時佳話。2個女兒出世後，錢嘉樂變成愛妻號兼暖男爸爸，一改昔日浪子的形象。在節目上，錢嘉樂被問當初愛湯盈盈的原因，他說：「 我諗係緣份，都係獎門人嘅關係，最初我對佢都唔係有好大印象， 都是外國返嚟嘅女仔。但原來佢都很傳統，對屋企人好好。」錢嘉樂坦言自己被太太改變：「 因為佢爸爸媽媽喺加拿大，佢每日都會打長途電話畀佢哋，佢都叫我要搵多啲爸爸媽媽，我唔係唔錫佢哋，不過男仔同女仔嘅態度唔同，我唔會日日打電話畀佢哋噓寒問暖，但原來有啲嘢要講出嚟，唔講人哋又點會知，所以我會更珍惜同屋企人來往。」
錢嘉樂爆太太湯盈盈馭夫秘訣
錢嘉樂又爆太太馭夫秘訣：「唔知係咪佢阿媽教佢，鎖住男人一定要鎖住胃，佢會煮飯煲湯，佢喺外國返嚟以為係ABC，點知識煮飯煲湯又會噓寒問暖，會影響埋身邊嘅另一半。嗰陣時我哋未結婚，但係會主動勸我打個電話問候吓媽媽，我覺得呢個女仔幾好。」錢嘉樂向來對兩個女如珠如寶，對於女兒的將來，錢嘉樂說：「我盡量最好嘅嘢畀佢哋，但最重要係佢哋嘅興趣係乜嘢，我唔一定要佢哋入呢一行，我唔會教佢哋打功夫，我哋幾十年都咁辛苦。但如果佢哋有興趣，我都唔會阻止，盡量畀最好嘅嘢，好靠佢哋自己。 我阿媽當年都係咁樣做，我成日同老竇講話多謝你，雖然你冇李嘉誠畀咁多錢我，你畀咗我非常好嘅身體，等我喺洪家班可以捱得到，你嘅腦想捱但身體捱唔到都要棄權。」
相關閱讀：錢嘉樂湯盈盈與「證婚」終相認！大女錢凱晴外貌有顯著變化 與妹妹截然不同
