《宮心計》兩大童星相隔17年激罕同框 「小三好」撞樣顏卓靈 拆解6位數拍電影謎團
發佈時間：09:00 2025-07-31 HKT
全職港隊劍擊運動員、TVB童星出身的吳諾弘（Lawrence）早年宣布創辦了一個YouTube頻道「NG LOK WANG LAWRENCE 吳諾弘」，邀請昔日的童星好友暢談往事。日前找來曾經在《宮心計》飾演「劉三好」佘詩曼童年的陳詩慧，上演一場「小王爺與小三好回憶殺」。
吳諾弘陳詩慧再度合體掀回憶殺
吳諾弘曾經在《宮心計》飾演小王爺「李怡」陳豪的童年，當時為了逃避「郭太皇太后」謝雪心的逼害而出宮，「劉三好」拎着糖蓮子追到頂轎，希望小王爺出宮後只要覺得苦便吃一粒，希望他「苦中一點甜」。今次是吳諾弘和陳詩慧相隔17年再度合體，掀起了不少回憶殺。
相關閱讀：前TVB童星吳諾弘大個仔變型爆港隊劍擊手 宣佈回歸幕前轉做YouTuber
吳諾弘陳詩慧相隔17年再合體
吳諾弘在6歲時加入TVB，在2005年演出完《心花放》後，展開了童星生涯，在短短十年間拍攝過超過30套劇集，當中包括《與敵同行》鄭嘉穎的童年、《老友狗狗》馬浚偉的童年、《宮心計》陳豪童年和《巨輪》蕭正楠的童年等等，到了2015年演出完《四個女仔三個BAR》後，專心在擊劍及學業而決定放棄演藝圈的工作。今次吳諾弘找來陳詩慧合體，他笑言：「原來上次見面已經係2008年， 想睇吓今次究竟有幾尷尬。不少網民留言：「兩位在宮心計三好陪王爺離宮嗰段真係好好。touching.」、「你哋給人好好嘅感覺。」、「個女仔大個咗有啲似顔卓靈。」
陳詩慧傳拍電影的酬勞高達6位數
在節目上，吳諾弘稱陳詩慧希望在碼頭做訪問，已經21歲的陳詩慧已變文青美女，她受訪分享：「其實我中學嗰陣EMO（情緒化）嘅時候好鍾意睇海，（乜嘢時候EMO？）好似讀書、拍拖，又或者自己一個人出街同食飯。（點解咁慘）因為家姐要讀書，媽咪要做嘢，我又好少搵朋友，拍拖又成日鬧交，鬧交咪自己出嚟睇吓海。」曾有傳陳詩慧拍電影的酬勞高達6位數，吳諾弘追問此事，陳詩慧笑說：「假到不堪。本來有人請我出去拍戲，但係要休學兩個月，學校啲老師叫我諗清楚，過咗畀就冇咗呢回事，連酬勞都未出現嘅時候，已經取消咗。陳詩慧與家姐陳小慧同樣童星出身，入行後先開始拍電影，曾與謝霆鋒、房祖名主演的《男兒本色》，還有古天樂、大S徐熙媛的《保持通話》，TVB監製梅小青看完她在《保持通話》演出後，邀請了陳詩慧飾演《宮心計》的童年版「劉三好」。長大後陳詩慧變成亭亭玉立的美少女，屬文青氣質型女生。
相關閱讀：TVB一代童星罕合體 27歲變音樂創作人個人工作室曝光 獲謝霆鋒教打鼓精通多種樂器
陳詩慧曾在2018年大膽分享初吻情景
陳詩慧曾在2018年在IG大膽分享初吻時情景，「嘿，心血來潮，啪啪……啪啪啪啪。真係黐得我多咁似我嘅，你記唔記得當年今日你同我第一次撘叮叮，仲要第一次同你拖住撞到friend，第一次襯情侶衫，第一次錫你臉豬dun（面珠墩）（講個秘密，佢畀我錫完之後自己行開咗冷靜成分鐘）我同你第一次行中環碼頭你就送咗個好好好好好好好珍貴嘅初吻畀我，真係邊有人亂咁畀初吻畀一個見咗一面就鍾意嘅人㗎。真係傻，不過你好彩喇，遇到個好似我咁負責任嘅人。無論一年前定一年後，定係一萬年後，你都唔可以忘記你仲有我，無論幾時，只要你願意畀我陪住你，我都會一直喺你身邊陪住你捱過去，眨吓眼又撐過咗，唔使驚，不顧一切勇敢衝啦哈，你得㗎豬。」但這個post已經被刪除了。
