朱慧敏囡囡變長腿姐姐 半歲仔面珠飽滿兼手長腳長 一對寶貝可愛度滿分
發佈時間：12:15 2025-07-30 HKT
前港姐亞軍朱慧敏（Queenie）與心臟科專科醫生陳良貴醫生婚後誕下女兒SheRa和兒子Aten，朱慧敏專心做全職媽媽照一對仔女，不時在FB直播分享湊B近況。但自從兒子出世後，朱慧敏差不多有二個月未有開直播，令不少人擔心她她的近況。
朱慧敏女兒SheRa成長速度驚人
昨日（29日）朱慧敏終於與女兒SheRa齊齊現身，她表示因為這兩個月太忙，一方面照顧兒子，另一方面又要與女兒上playgroup，所以未能分身。成為姐姐的SheRa成長速度驚人，現在可以獨自在high chair（餐椅）自行進食，說話多多，而且盡得媽咪真傳，成為長腿姐姐。
相關閱讀：朱慧敏女兒星味直逼媽咪！最小「星二代」拍廣告萌爆登場 與細佬手拖手超有愛
朱慧敏的直播片上，女兒SheRa越大越可愛，朱慧敏表示10月底SheRa滿兩歲後將會入學，朱慧敏說：「之前細佬打完針，發高燒，陪月姨姨又大咗COVID𣍄所以大部份時間我自己一個人照顧二個，但畢竟佢哋都仲細，係有啲難度，不過而家工人姐姐已經嚟咗，佢主力清潔屋企，我照顧SheRa，細佬有保母照顧，叫做減輕啲工作。」朱慧敏還說：「小朋友大得好快，試過因為唔夠瞓病咗，不過我好珍惜而家嘅時間，到佢哋大個咗就未必再跟住我。」
相關閱讀：朱慧敏首晒仔女互動片！萌爆初生囝囝面珠漲卜卜獲家姐連環送吻 歲半女教細佬講BB話
接着朱慧敏再直播，今次除了女兒SheRa外，兒子Aten亦有再現身，下月滿半歲的Aten，成長速度與姐姐SheRa不相伯仲，不單身形圓咕碌，面珠墩相當飽滿兼手長腳長，樣子與媽咪似足餅印。片中所見，細佬Aten趴在軟墊上，姐姐SheRa在細佬身後又爬又行，一臉好奇的Aten眼仔睩睩望着家姐，表情又多多，對身邊事物感好奇，不時舉手及踢腿，兩姊弟合體可愛程度滿分！有不少人留言：「兩個仔女都好得意可愛。謝謝分享」、「細佬好乖，好可愛」、「細佬肥得好可愛」、「看到兩個寶寶人也精神了」、「細佬巧靚仔，是大眼BB」、「細佬好大隻，好Q」、「細佬都好肉肉」、「多麼可愛的小弟弟。真是快高長大！」
