東張西望丨48歲男網約美女被苛索金錢 向財務公司借X萬化為烏有 「會所女郎」真實身份曝光
發佈時間：22:00 2025-07-29 HKT
TVB節目《東張西望》今晚（29日）報道48歲中年單身漢「阿Dee」，在網上認識一名「私人會所女郎」小琪，阿Dee想約小琪見面，卻被要求支付入會費，但阿Dee多次付款後，卻未見到心儀女神，自稱「會所經理」仲要求加錢先會讓二人見面，最終「小琪」的身份曝光。
阿Dee相信「小琪」是正經女仔
苦主「阿Dee」早前在交友程式上，認識樣兒甜美青春的「小琪」，阿Dee覺得合眼緣便與對方聯絡。小琪向阿Dee透露自己在會所內做接待員，有時要陪客人飲酒，但阿Dee相信小琪是正經女仔：「佢曾經都有客人問過，可唔可以約出街，佢都拒絕話我嚟打工，唔做呢啲嘢。」
相關閱讀：東張西望丨66歲老婦YoYo為慾火眾叛親離 債主日日上門拖字訣叫報警 色心又起網上再交友：人係有唔開心
「小琪」噓寒問暖
「小琪」為證明自己在會所工作，曾拍攝會所內的影片給阿Dee，見到工作場所看起來好高級，二人短暫交談約兩星期，阿Dee便對小琪傾心：「提醒我工作時要小心，唔好整傷，熱就飲多啲水。落雨記得攞遮，唔好淋濕，覺得幾warm，冇試過，個幾兩個禮拜都係咁，持續噓寒問暖，開始鍾意咗佢。」
阿Dee曾感奇怪
阿Dee表示想見「小琪」，但對方公司阻撓，指公司有規矩，約「小琪」外出要支付2,800元，讓公司知道要約女方出街，款項不會退還。阿Dee坦言感到奇怪：「點解放假私人約會公司都要收錢？佢話公司係咁規定，所有員工都係咁樣。」阿Dee繳交入會費後，又收到要俾按金。
阿Dee多次補款
阿Dee曾到會所樓下等「小琪」，但見不到對方，之後收到「經理」電話，表示要交5萬元按金，由於阿Dee第一次去，公司會代墊支一半，理由竟然是「佢話驚你哋出去做啲違法嘢，公司就要去警局保釋返個女仔出嚟，所以要交$25,000按金。」阿Dee之後向朋友借錢，左湊右湊終於繳付25,000元，又再次收到補款消息。「小琪」公司稱因為阿Dee遲入錢，所以不再提供優惠，要補餘下一半的按金。
「小琪」見面多藉口
阿Dee因為想見「小琪」，又聽信按金可以取回，便去財務公司借錢。到見面當日，仍然沒有見到「小琪」，「小琪」稱公司用來退還按金的5萬元提款卡已經沒有，所以要用9萬元的提款卡，再次要求阿Dee補4萬元。
阿Dee會所尋人
《東張》主持俞可程陪阿Dee到「小琪」報稱在尖沙咀的會所尋人，當中的一間私人會所位於酒店的高層，會所設有餐廳、酒吧、圖書館，要享用設施便要繳付高昂入會費及月費。主持俞可程向職員查詢「小琪」下落，卻被告知沒有此人。
會所建議阿Dee報警
職員表示：「第一我哋係唔會有任何類似伴遊，或者食飯嘅服務，私人會所係唔適宜。」職員更稱在網上認識的女子與其公司無關，亦從來沒有提供此類服務。對於「小琪」聲稱與人交往，要按公司要求繳付入會費，會所經理否認，表示有人盜用其公司名義，公司不會介入職員的私人生活，還提議阿Dee報警。
「小琪經理」出動遊說
阿Dee之後聯絡「小琪」對方稱領導在場不方便聽電話，更要求「小琪」支付1萬元才見面，二人短訊其間，「小琪」的「經理」來電：「𡃁妹同我講，我可以幫你墊呢3萬蚊，但係呢，唔可以俾老闆知，我意思係可以幫你去財務嗰邊墊呢3萬蚊，但係你要同𡃁妹講清楚，如果俾老細知我就好大鑊。」
「經理」發難Cut線
《東張》職員化身阿Dee朋友加入對話，質問「經理」小琪是否伴遊，提供額外服務，對方避重就輕：「呢個你要自己同佢講，唔需要問我，問我我都唔知，你要自己問佢。」但「經理」得悉阿Dee與《東張》曾到會所踩場，即時發難，並掛斷電話。而阿Dee口中的「小琪」其實是內地網紅，被盜用身份，阿Dee得知真相時，無奈表示：「呢個世界乜嘢都係假嘅，令人好灰。」
阿Dee最終一無所有
阿Dee坦承自己沒有汲取教訓，以為比自己年輕又不錯的女生，會願意跟自己一齊。阿Dee為事件直言：「夜晚瞓得唔好，又欠朋友錢，又爭財務公司錢，到頭來咩都冇，人又見唔到，錢又攞唔返。」阿Dee以過內人叮囑單身想搵伴侶的人，要帶眼識人，在未確定任何關係前遇到問攞錢，可以調頭走。
