真相猜‧情‧尋丨錫安教「軟禁」教徒手段曝光 揭教主神秘面貌：不能接受現實的巨嬰
發佈時間：23:30 2025-07-29 HKT
錫安教會／真相猜．情．尋／方東昇丨由方東昇團隊主持的TVB新聞資訊節目《真相猜．情．尋》，今晚（29日）播出第六集，繼續探討「錫安教會」，拆解「雙氧水以外的錫安教會」。有人潛伏教會多年，嘗試接近核心梁日華，真相揭開。
「錫安教會」末日論
1996年的「雙氧水風波」，令到「錫安教會」及牧師梁日華一夜成名。教會提倡飲稀釋的雙氧水，宣揚是「神蹟治病」、「吃太陽」吸收能量，多次鼓吹末日論，又號召信眾到外地避難。當中錫安教會教徒阿威就「食太陽」，又試過去內地數月避災難。
相關閱讀：真相猜‧情‧尋丨揭錫安教神秘面紗 教主梁日華被捕證供曝光 教徒：只可講飲雙氧水好處
阿威睇太陽當食物
「錫安教會」宣揚末日論，當中教徒阿威就曾試過睇太陽當食物：「第一日晨早去睇日出、日落，去沙灘、泥地唔著鞋，睇太陽十秒，每日遞增，冇記錯好似加到45分鐘，就係食太陽。」阿威指自己會感到肚餓，但在逼於無奈下跟隨，因為：「唔跟就等於唔跟隨教會，等於唔跟隨神。」
買「末日食物」儲糧
「雙氧水事件」三年後正值千禧年，教會大肆宣揚末日論。錫安教會前教徒Samuel曾買末日食物為危機儲糧，要花21,000元買一包：「唔買得唔得呢，我諗諗，『你個信心』、『你經濟能力點樣』、『勉強就要買』，兩Pack四萬幾（元）買一Pack得唔得呀！」但踏入千禧年甚麼事都沒有發生，眾教徒亦沒有再提起。
入教會有人追隨攞成功感
「錫安教會」多位教徒同樣指出，自加入教會後與現實世界隔絕，不看報紙、不看電視。錫安教會前教徒林先生指當時教會的氛圍設計成一個家庭，有家庭的味道。錫安教會教徒阿威表示：「我哋同外界已經隔絕，佢話你唔可以同以前啲外邦朋友一齊玩，你唔可以接觸其他人。」阿威坦承自己屬低下階層，需要別人接納及包容，社區很好：「可能我喺出面掃地，但喺呢度我係小領袖，有人追隨我，攞啲成功感。」
要求教徒絕對忠誠
不過「錫安教會」要求教徒絕對忠誠，有教徒出席其他活動後，被列為不受歡迎人物。錫安教會前教徒Samuel就是其中一位被踢出教會的教徒：「我只係離開幾日，準備返嚟喎，咁佢話冇喇！你唔使返喇！」有教徒曾寫分手信給牧師梁日華。阿威質疑梁日華講一套做一套，梁日華以前曾講過不可以玩玩具，現在自己玩高達。
離開教派變成妖魔化
錫安教會教徒阿威指一離開教派，就會變成妖魔化，被指不信廊已信撒旦，不相信教會就會落地獄，不能上天堂。前錫安教徒楊子聰直指梁日華：「梁日華呢個人係一個唔能夠面對現實嘅巨嬰，如果外面世界對佢有任何挑戰，都好似一種傷害。」楊子聰認為：「佢只係一個群體俾佢操控，佢要嘅只係忠心，而唔係每個人成長。」
楊子聰帶證據成立組織
錫安教徒楊子聰當時未有離開教會，反而留下來搜證，盡快進入核心。楊子聰直到沙士後對教會失望，因教會覺得有雙拿水、臭氧，可以解決問題，加上帶他入會的教友用雙氧水治癌，最終離世，教會卻不准公開討論。令楊子聰決定離開教會：「我都係一直活喺呢種好矛盾嘅心態裡面，質疑自己點解咁理性，點解要分析件事，如果呢個係神嘅用人，你唔可以質疑佢（梁日華）。」楊子聰帶住證據成立組織，幫助想離開的人。
教會大搞科研送給信徒
教會大搞科研，自製「芯片」送給信徒，包括「量子能量芯片」、「有線血清耳機」、「波頻人體修復器」、「量子能量平衡腰帶」，不過節目請中文大學物理系高級講師湯兆昇化驗，評價是「無害但無甚作用」。阿威指教會近年變得有錢，科研產物阿威稱為：「維穩禮物」。
叫梁日華回頭是岸
教會仍有約1800名信徒，過往的教徒直言被騙信任，包括時間、金錢、家庭關係，就連保留雙氧水漱口的前教徒林先生，亦叫梁日華回頭是岸。「錫安教會」回覆：「在過去29年，我們一直面臨許多無中生有的指控與誤解。這些傳言不斷重複，因此，我們都選擇不再逐一澄清了，因為如同聖經所說：『尋找的，就尋見。』我們相信，真相經得起時間的考驗，而偏見則會隨時間而被淘汰。」
相關閱讀：真相猜‧情‧尋丨「錫安教會雙氧水風波」 拗足30年 袁大明不忿受醫學界抨擊 信徒直斥味道令人反感
