李婉華因一事禁學霸女兒選港姐 訓示要用自己本事爭取未來：靚唔靚唔使人話你知
發佈時間：19:00 2025-07-26 HKT
90年代TVB花旦李婉華的女兒Natalie上月在多倫多大學以高等榮譽畢業，李婉華當時貼上女兒畢業的短片並說：「妳多年的努力沒有白費，你的堅持與毅力我好佩服！媽媽以你為榮！Proud mom moment!」
向來以大膽狂野而見稱Natalie，不時在IG貼上性感治艷的相片，一舉手一投足都充滿星味，雖然有網民大讚Natalie隨時原地出道做「星二代」，李婉華日前與女兒合體直播，Natalie透露將赴紐約大學（NYU）修讀市場系碩士課程，不少網民問她為何不返港參加《香港小姐競選》，李婉華很快：「Say No！」
相關閱讀：《卡拉屋企》女星學霸女高等榮譽成績大學畢業 盡得媽咪真傳大膽狂野見稱 開綠燈不反對入行做「星二代」
李婉華學霸女兒多才多藝
李婉華的學霸女兒本身亦多才多藝，鋼琴達到十級演奏程度，又懂舞蹈、打排球、划獨木舟等，還曾得戲劇獲獎，李婉華曾訪問上表示：「佢鍾意唱歌，跳舞亦好叻，喺多倫多大學都係學跳舞同讀戲劇，攞好多獎，佢從小就好有主見，我哋從來唔強逼佢死讀書。」李婉華更表明不介意女兒娛樂圈，讓女兒自行選擇自己路向，但首要學習先裝備好自己。李婉華今次與女兒合體直播，大家都很關心Natalie的去向，紛紛留言問會否入行選港姐。李婉華聞言即落閘：「No，佢唔會喇，我諗佢想去讀書，唔係話選港姐唔好，但係可以試其他。」
相關閱讀：90年代惹艷女星21歲女極大膽！晒撫胸大特寫照 狂野程度超越媽咪
李婉華女兒將赴紐約大學讀碩士
Natalie亦搖頭並稱繼續讀書，但亦想與不同品牌合作，出席時裝活動，稍後透露將赴紐約大學（NYU）修讀市場系碩士課程。不過Natalie先半鹹淡廣東話問媽咪：「點解我唔參加港姐啫？」然後扁嘴依偎媽咪膊頭撒嬌，李婉華隨即花7分鐘解釋並道出當中的關鍵原因：「我成日都講，靚唔靚唔使人話你知，係你自己要自信心，呢啲好各花入各眼，如果你靠靚去認識自己，自信來自人哋你靚唔靚係唔應該。我覺得一個女仔靚唔單止係外表，love herself（愛她自己），內在美都好重要，自己要有本事先。我成日都講，你唔好靠人話你得唔得，你要話畀人聽我得，咁先有價值！ 而家更加添，我覺得一定要自己有自信，如果你靠靚就弊！因為你要人哋話你靚唔靚，人哋話你靚唔靚唔開心，但係如果你增值自己，見多啲人讀多啲書，用你自己本事去爭取你未來，咁咪仲好，除非你真係讀唔到書，咁就冇妨。」
