李珊珊罕談與錢嘉樂分手內情 拍拖8年從未計劃過將來 跪地求婚竟與朋友有關
發佈時間：17:12 2025-07-26 HKT
96年港姐冠軍李珊珊多年受到驚恐症的煎熬，不單影響了身形及容貌，病發時試過心跳加快、冒冷汗、呼吸困難和肚瀉不止，甚至嚴重時「眼前一黑令人窒息的感覺，覺得係瀕死邊緣」。經過多年努力，李珊珊終於再現人前，開設Studio創辦《 三坐山 Mount Trio》YouTube頻道，還接受傳媒訪問，希望勉勵同路人。
李珊珊罕談與錢嘉樂分手內情
日前李珊珊接受陳志雲的網上節目訪問，罕談與錢嘉樂的分手內情，當年二人拍拖的時候，錢嘉樂曾多次公開求婚，但原來背後另有內情。李珊珊在節目上說：「對方係喺被逼嘅情況下，跪低去做呢件事，根本就唔係報紙所講。」李珊珊更直言：「我哋從來都冇計劃過，從來都冇講過未來，真係冇未來。」
相關閱讀：「傳奇港姐」嫌錢腥拒愛？自爆曾獲富商送逾3千萬豪宅兼任揀Benz 連介紹人都有6位數
李珊珊錢嘉樂拍拖8年屢傳婚訊
李珊珊在1998年與錢嘉樂因TVB劇集《烈火雄心》而拍拖，雖然二人年紀相距12年，不過未有阻礙戀情發展，結果一拍了8年，當時二人屢傳婚訊，錢嘉樂曾多次在朋友起鬨下向女友求婚，但李珊珊遲遲未有表態，直到2006年二人分手。陳志雲在節目上追問李珊珊是否對婚姻有恐懼而不答應求婚？李珊珊忍不住作出澄清：「首先要搞清楚一樣嘢，係大家覺得好長，呢個話要包10圍，嗰個又話要包10圍，對方係被逼嘅情況下跪低去做呢件事，根本就唔係報紙所講，唔係真係求婚。」不過李珊珊斬釘截鐵地表示，即使當時對方真的正式求婚，她也不會答應。
李珊珊與錢嘉樂從來未有計劃過將來
雖然李珊珊和陳志雲在節目中都未有指名道姓說這個人的身份，有提及「拍拖八年」，不過大家一致推斷這個人正是錢嘉樂，李珊珊續說：「我哋從來都冇計劃過，從來都冇講過未來，真係冇未來，我覺得係個天安排，要完就完。」李珊珊又指當年蘇民峰曾批算「如果嗰一年唔結婚就會分手」：「結果畀佢講中咗，呢啲非科學嘅嘢，我真係覺得嗰段係應該要分開。對於未來的感情生活，單身了3年的李珊珊表示：「我唔會結婚，但我會談戀愛。唔知點解喺呢個3年覺得唔需要，可能喺收埋自己嘅日子裡面，係透過書信同人交流，可能因為大家透過寫字，之後大家有機會溝通咗之後產生感覺，可能有機會發生感情。」
