女神配對計劃｜梁敏巧一夜變「負評女神」情陷十優醫生 Babyface形象逆轉軍師林作開火：有財而已
發佈時間：11:59 2025-06-16 HKT
女神配對計劃｜TVB戀愛綜藝真人騷《女神配對計劃》昨晚（15日）播出第二集，Babyface（黃駿濠）登場向《東張》女神梁敏巧展開最後一次追求，在網上引起洗版式熱議。Babyface在《女神配對計劃》第二集向梁敏巧求愛失敗，在鏡頭承諾今次失敗後便放棄追求梁敏巧，而Babyface在節目上與梁敏巧最後一段情深表白卻令另一女神關嘉敏感動落淚，而另一主持森美亦大讚Babyface真心喜歡梁敏巧，並非為炒作。
Babyface告白梁敏巧：未來對你更好
Babyface昨晚在《女神配對計劃》中登場，首先獲葉蒨文（Sophie）按燈讓他有機會出場向梁敏巧表白，梁敏巧問他：「依家有機會畀你同我講一段說話，你會同我講咩啊？」Babyface說：「多謝你一直以嚟嘅鼓勵、包容，我不停進步。」其後關嘉敏說：「真心㗎！」Babyface續說：「我會未來對你更好。」
梁敏巧棄選Babyface轉投十優醫生
羅毓儀接著說：「我覺得最尾嗰句好感動！」連葉蒨文都說：「好真心啊！我好近距離見到佢個眼神。」主持林盛斌（Bob）接著問Babyface：「有冇機會令你會放棄唔好再追住Maggie？」Babyface表示：「如果今次失敗咁就算數喇」、「我會向前看，尋找一段新的戀情」、「咁人哋都唔要我，何必咁呢？」其後Bob問他：「講得出做得到㗎啦？」Babyface即說：「冇問題啊！」可惜最後梁敏巧沒有選擇Babyface加入她的隊伍，Babyface遭即時淘汰。
梁敏巧在《女神配對計劃》第2集中，棄選了Babyface，但選擇了兩名男性加入她的隊伍，其中一位是15號、年薪超過500萬的十優醫生譚品堯，以及292號、年薪50萬的高大靚仔跳舞導師潘昭錡。
林盛斌發文讚Babyface：見到佢嘅認真
昨晚的《女神配對計劃》第2集播出後，再次引起網民熱議。不少網民都留言指對Babyface改觀，連主持林盛斌今早（16日）都發文盛讚Babyface：「呢3分鐘，我諗好多人都因為Babyface而有所感動。由最初喺電視節目見到佢話要追敏巧，覺得佢好似有少少奇怪，少少Kam，跟住到佢自己報名參加呢個節目，海選面試嘅時候見到佢無論外型同埋談吐都唔同咗，到尋日嗰集入圍，可以同女神們會面，最後佢嗰一段好情深、好真摯嘅表白，你見到佢嘅認真、真誠、真心同改變，絕對係應該得到大家嘅欣賞同埋嘉許。」
Babyface發文感謝梁敏巧：互相進步的旅程
而Babyface亦於昨晚在社交平台發文說：「總算結束這段旅程，正如我所講是時候結束，再見也是朋友，我們一齊為各自美好未來拚鬥。 謝謝你 Maggie。 這段時光是互相進步的旅程。現在既是結束也是新的開始。老實講大半年型了，學野多了，無大家大力支持真係做唔到，成功固然好啦，但對現在既我黎講，重要的是從中有成長。 大家絕對是見證我進步！感激！感謝另外幾位女神和BOB既支持和鼓勵說話，特別是carman 關嘉敏 背後竟感動到喊，我剛睇到心中也感動。 謝謝你。花生團多謝你地支持，特別是森美講野好正What is next ? 我將會展開新一章，感謝各位支持和關注。」
林作炮轟梁敏巧揀醫生
然而，在Babyface形象逆轉之際，棄選Babyface轉而選擇年薪百萬十優醫生的梁敏巧卻遭到Babyface軍師發文炮轟：「放心，選擇呢個醫生絕對唔係因為佢係十優，只是因為佢有才（財）而已。也同Babyface外貌無關。你有才/財，咩樣都得。現實。所以男士們，加油，要令自己有能力。」
