Anson Lo近日邀請了來自不同界別的圈中人參與dance challenge。

Anson Lo借新歌推廣跳舞文化邀圈中人玩dance challenge 預告隱藏男歌手將會登場

更新時間：22:15 2024-08-01 HKT
發佈時間：22:15 2024-08-01 HKT

盧瀚霆（Anson Lo）最近推出的《Hey Hey OK!》是一首充滿夏日氣息的party舞曲，他表示：「好想透過呢首歌帶到夏天嘅感覺俾大家之餘，亦希望將正能量同快樂傳送俾每位觀眾。」既然要廣傳快樂，當然要用一個能夠普及的方式，所以《Hey Hey OK!》在副歌便有一個Hey Hey OK手勢，簡單又易學。過去Anson Lo都曾大搞dance challenge，今次亦邀請了來自不同界別的圈中人參與，除了謝安琪與女兒Kaka Ball、馮允謙、Serrini、Lolly Talk、小薯茄、FINALLY外，還有陳蕾及Marf @COLLAR及一位隱藏男歌手將於稍後登場。

為了讓各人都可以跳得投入，《Hey Hey OK!》dance challenge特別分為正常版及簡易版，但原來這次活動背後，還有另一層意義。Anson Lo分享道：「今次搵咗一啲同行前輩同埋朋友一齊做dance challenge，最希望係可以藉此推廣跳舞文化，因為我好想俾大家知道，其實跳舞唔難，只要肯踏出第一步。我好想將舞蹈推廣到更加多唔同層面，等大家可以接收到 dance challenge帶嚟嘅喜悅。」

也一如Anson Lo所言，今次有份參與的藝人，都玩得投入，每條dance challenge短片都籠罩着歡樂的氣氛，就連Anson Lo自己也因為這次拍攝而被感染，他道：「今次搵嘅單位都好少合作，又或者近年好少有同框出現，除咗想俾surprise大家，亦到希望借機聚頭，有啲朋友喺頒獎禮見到傾過吓偈，但平時工作各有各忙其實都好少機會見，但今次可以一齊跳舞玩下，都好開心好fun！」

↓立即下載星島頭條App↓