出租家人丨曾志偉與恬妞淵源極深飾演夫妻有默契 陳家樂投訴老婆食得太少：怕太肥不靚
發佈時間：11:10 2024-03-07
由曾志偉、恬妞、陳家樂及周家怡主演的電影《出租家人》今晚（6日）在尖沙咀舉行首映，戲中一眾演員、英皇集團主席楊受成博士及太太陸小曼亦有出席。曾志偉笑言過往通常也是追恬妞追不到，今次終可做夫妻。
相關閱讀：出租家人丨陳家樂讚歎志偉神級演技 周家怡被恬妞搞到淚崩
曾志偉與恬妞今次於戲中做夫妻，已有3年多沒參與香港電影的恬妞指上一套拍的電影已是《如珠如寶》，問到今次是否曾志偉邀請她，恬妞笑指聽說是他邀請，因他是監製，但確實自己也不知道是誰，但也要多謝那貴人，曾志偉則笑指看中恬妞配得起自己，他又謂兩人多年來也經常合作：「我第一部戲去台灣做男主角，就係同佢一齊，當時我係高攀佢，跟住我自己做老闆嘅戲《小小小警察》，女主角又係搵佢，淵源幾深，雖然嗰部戲蝕到X街。」曾志偉指今次電影的對手要跟他很有默契，故一定會想到恬妞：「佢可以帶動我啲戲出嚟，所以同佢做我好有信心。」恬妞亦謂今次角色有得發揮，但最重要的就是提醒大家要珍惜家人，也一定要向對方表達自己的愛。曾志偉笑言過往通常也是追恬妞追不到，今次終可做夫妻，又謂兩人已有7、8年沒合作，問到恬妞是否一樣靚？他即說：「從來冇醜樣過！」而恬妞就大讚曾志偉穩定和成熟了不少，提到曾志偉現在是TVB總經理，恬妞說：「呢個係佢努力。」
準爸爸陳家樂想有神秘感暫不公布性別
榮升準爸爸的陳家樂受訪時指BB接近5個月，因想保持神秘感所以暫不公布性別，要等到大概7、8個月才會透露，陳家樂又謂下次陪太太連詩雅去做產檢照結構，希望BB可以健健康康，又指連詩雅現時很緊張，買了一部機器每天在聽BB的心跳。提到連詩雅早前爆他陪做產檢的時候喊，陳家樂即笑說：「產檢係開心嘅，未入去前醫生已經同我講，「通常啲爸爸都會喊一次，我睇你喊得幾多次？」，我同佢講放心我唔會喊，第一次我已經喊咗，第二次又喊，第三次都喊，醫生話都幾喊得，第四次就冇喇，因為知道性別，我唔喊㗎喇。」
陳家樂表示現在還未知道到時是否會入產房，因為自己希望到時可以拍片，但不知道陳太是否願意，陳家樂表示因為不想有太大壓力，所以生育是順其自然：「我成日都同太太講，又拍拖到結婚我哋都唔係有好多時間二人世界，如果未有嘅咪二人世界，有就係個天安排俾我哋，所以冇特別計劃。」再問是否有心理準備做爸爸，陳家樂指未有想到那麼長遠，現在最緊張的是BB的健康，他謂太太的預產期是7月中或尾，但那段時間有機會自己不在香港，所以已經請定陪月。
陳家樂投訴老婆食得太少
至於讀書方面，陳家樂自己的想法還未去到那個階段，問到想要仔還是女？他說：「仔女都鍾意，（男仔可以陪你睇波。）女都可以，反而覺得男或女嘅教導方式就有唔同，我爸爸、爺爺對我同我個妹係兩種性格，大概我都睇到生仔或者生女自己會係點，應該都會瀨晒嘢！」不過陳家樂就投訴老婆食得太少，就算現在有BB也吃得不多，又指她怕太肥上鏡不靚，早前去《博愛》活動時，照鏡也覺得自己「腫腫哋」，故陳家樂叮囑大家見到陳太時記得叫她吃多點東西。問到周家怡會否做BB的契媽？她表示要看緣份，自己也有四個契仔兩個契女，問她會否也想生返個？她說：「唔使喇，我唔使喇，但世事嘅嘢唔知，如果我而家生係聖母，（可能好快遇到。）希望啦，但我真係冇乜所謂。」
許靖韻螢幕初吻獻給了方力申
許靖韻與艾妮今晚亦有出席，許靖韻今次在電影中與方力申一對，更將螢幕初吻獻給了對方，問到覺得小方是否好咀？許靖韻笑說：「都錫咗好多秒，感覺好好，（有冇NG？）都拍咗幾個角度。」而艾妮於戲內再次飾演大肚婆，她笑指今次終於生得出，又謂戲內租了陳家樂做老公，而對方亦即將成為爸爸，所以感覺好特別，艾妮又表示幸運的是做護士學生時曾入過產房看別人生仔，所以可將經驗放在戲中。
另外，艾妮在TVB遊戲節目《HOME即是識》中贏得很多獎品，她指事前沒想過，而問題其實亦很難，所以自己很好彩，而遊戲內的拍檔許靖韻就大讚艾妮有實力，有很多自己不懂的知識也懂得回答，問艾妮決賽時會否換拍檔？她就表示不能換：「有啲問題幾難，好似N95過濾率係幾多，好驚答錯俾啲護士同行笑，但好彩。」許靖韻指現時也會惡補生活上的知識，自己最近做家務的時候也會留意，又透露最近開始學煮食，現在懂得分鹽和糖。
其他文章：
陳家樂向老婆提水想收一物做情人節禮物 自爆做「家庭主夫」被連詩雅鬧爆
--------------------------------
《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
