謝君豪本色演喜劇超癲:我係幾好笑 陳詠燊考慮將《飯戲》角色獨立開戲丨獨家
更新時間:07:00 2024-02-09
發佈時間:07:00 2024-02-09

憑《毒舌大狀》入圍金像獎最佳男配角的謝君豪,今年繼續參與賀歲電影,在陳詠燊(Sunny)執導的《飯戲攻心2》中,飾演搞鬼新角色「魚翅大王六叔」,自稱搞笑底的他一直恨拍喜劇,開心初嘗拍喜劇電影。而Sunny暫無意開拍《飯戲3》,但可能將《飯戲》人物「分拆上巿」,製作個別故事。採訪:杜杜 攝影:孔子 髮型:任柏俊(君豪) Lisa C. Makeup Art(Sunny) 化妝:雷淑賢(君豪) Lisa C. Makeup Art(Sunny) 服裝:mijosuNew Balance(Sunny)

豪哥認為高度配合Sunny好正常,「導演係演員嘅鏡,要靠佢先調節到演出。」
豪哥認為高度配合Sunny好正常,「導演係演員嘅鏡,要靠佢先調節到演出。」
聽到Sunny不停讚,鬼馬的豪哥話:「我都好鍾意聽呢啲坦白㗎!哈哈!」
聽到Sunny不停讚,鬼馬的豪哥話:「我都好鍾意聽呢啲坦白㗎!哈哈!」

豪哥飾演張繼聰(陳禮)和陳湛文(陳熹)的「六叔」,Sunny寫劇本時已覺非豪哥莫屬,「『魚翅大王』帶咗好大壓力線畀呢家人,佢做嘅嘢有少少似反派,但人係可愛、心地好,好難拿捏,要演員形象本身好,先會令人覺得壓力線得嚟可愛,豪哥嘅形象加埋演技,我信佢演到先夠膽咁寫,一路寫有畫面。」

豪哥初嘗拍喜劇電影,過程愉快令他想再拍。
豪哥初嘗拍喜劇電影,過程愉快令他想再拍。
Sunny承認開拍《飯戲2》有一定壓力。 
Sunny承認開拍《飯戲2》有一定壓力。 

演藝師兄弟互讚

接到演「六叔」的邀請,豪哥相當興奮,因除了舞台劇,未試過演喜劇,亦一直想試,跟Sunny傾劇本已好享受,「個女畢業,我去咗英國,我哋視像傾咗好耐,睇劇本覺得好過癮,點樣可以好玩又唔胡鬧?!我唔使專登做啲嘢搞笑,跟個角色好認真咁做咪好笑囉!」去到試造型又令豪哥有驚喜,「我唔知係咁㗎,大佬呀!睇劇本諗係咪要着唐裝㗎?!原來佢畀件咁嘅嘢我着,跟住梳埋咁嘅頭,戴埋咁嘅眼鏡,已經講咗畀你聽點做,演員一着起件衫就知,佢(六叔)唔係等閒之輩,哈哈!」

戲中「六叔」的造型相當浮誇,對豪哥演繹有好大幫助。
戲中「六叔」的造型相當浮誇,對豪哥演繹有好大幫助。
「六叔」另一個身份是「魚翅大王」,這個造型一樣冇得輸。
「六叔」另一個身份是「魚翅大王」,這個造型一樣冇得輸。

豪哥跟Sunny是演藝師兄弟,大讚這次初合作勁舒服,因Sunny好歡迎畀意見,「經過傾偈,就會攞到啲好嘢擺落角色,佢唔會關埋道門,好似度身訂造,做起上嚟好舒服,好自由。」Sunny亦讚師兄配合度極高,對後輩完全零架子,「演藝學員心目中,係仰望謝君豪先生,唔係擦鞋,佢演完會同我講『導演你覺得頭先嗰個Level啱唔啱,使唔使收啲定多啲?』真心唔係個個前輩肯攤出嚟同你傾,佢先係最open,合作舒服到不得了。」Sunny又指要遷就海洋公園場地,令豪哥演繹難上加難,「一嚟就拍咗『魚翅大王』最勁嗰幾場,難度好高,但佢好肯一齊試。」聽見師弟不停讚,豪哥風騷笑言:「講到我都心花怒放,《飯戲攻心2之心花怒放》哈哈!」

《飯戲2》加入不少新角色。
《飯戲2》加入不少新角色。
「六叔」有份贊助二佬「陳禮」(張繼聰)跟「Monica」(鄧麗欣)婚禮。
「六叔」有份贊助二佬「陳禮」(張繼聰)跟「Monica」(鄧麗欣)婚禮。

希望好戲有好報

跟同是演藝師弟的張繼聰和陳湛文再合作,豪哥表示早在20102012年跟阿聰合演舞台劇《情話紫釵》,他讚阿聰已獨當一面,「佢個角色好難做,唔係話出嚟就爆嗰啲,佢同修哥(胡楓)講『呢個係Monica』嗰場,個小跑步入嚟好準確,好犀利,好難㗎,呢啲就係功力。」早於舞台劇《南海十三郎》合作過的湛文,豪哥當年已跟他很熟,仲知他筋骨好鬆,「佢真係好似識軟骨功,成日練彈指功打筋斗,係武林高手,佢又係成熟咗好多,歲月催人,哈哈!」

豪哥在戲中跟張繼聰有不少衝突戲份。
豪哥在戲中跟張繼聰有不少衝突戲份。

《飯戲》票房超過7000萬,Sunny坦認希望續集有好成績,因背負一班工作人員的心血,「做導演,每刻都孭住百幾人心血向前行,攞到成績係同信任我嘅百幾人一個交代。」對於今年電影票房跟去年相差好遠,Sunny即交個波畀豪哥,「你點睇呀?你嗰套1億(《毒舌大狀》)喎,哈哈!我7000萬之嘛!」豪哥表示很難推測背後原因,但認為好戲自有好報,「拍觀眾想睇嘅嘢,個戲係好,觀眾一定會入嚟睇。」

Sunny早前表示《飯戲2》初稿有預黃子華,及後對方辭演亦想過唔拍。
Sunny早前表示《飯戲2》初稿有預黃子華,及後對方辭演亦想過唔拍。
在現場指導王菀之演出的Sunny,開心跟《飯戲》團隊再合作。
在現場指導王菀之演出的Sunny,開心跟《飯戲》團隊再合作。

講到製作《飯戲3》的可能性,Sunny暫未有計劃,但有意創作每個角色的單獨故事,「短期內未必出第3集,但我好鍾意睇MarvelUniverse拆開啲人物,『六叔』有個劇又得,『三佬』同『豬豬』有個劇又得,呢個我唔落閘住。」豪哥都覺得好玩,仲話好想多拍喜劇,「老實講我覺得本人係幾好笑,但拍戲唔同舞台做喜劇,今次係試吓點樣做,睇咗都幾好睇喎,哈哈!而且過程中好享受,最緊要自己開心先,有機會就做多啲,做嗰時唔壓抑,喺現場日日都好開心。」

請到殿堂級的胡楓和羅蘭參與,Sunny好開心。
請到殿堂級的胡楓和羅蘭參與,Sunny好開心。
Sunny有意將《飯戲》人物「分拆上巿」,如「三佬」和「豬豬」這對。
Sunny有意將《飯戲》人物「分拆上巿」,如「三佬」和「豬豬」這對。

 

《星島申訴王》已推出全新項目「區區有申訴」,並增設「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰ https://bit.ly/3uJ3yyF


想睇更多精彩內容,請立即瀏覽「區區有申訴」活動專頁,https://bit.ly/41hgS9E

 

《星島頭條》新網站有更多精彩內容:http://www.stheadline.com/