玲玲友情報丨娛圈金牌媒人Bob林盛斌點名48歲視后「超筍盤」：唔使你養已經加晒分
發佈時間：16:30 2024-01-03
麥玲玲、黃紫恩（Jojo）、蔡景行和陳欣茵主持J2節目《玲玲友情報》近日熱播中，今晚（3日）播出一集主題為「筍盤唔係人人啱」，請來金牌媒人Bob林盛斌擔任嘉賓。被封娛圈金牌媒人的Bob林盛斌過去為不少圈中女星介紹到如意郎君，包括朱慧敏與心臟科醫生陳良貴、張秀文與金融才俊王大權、玄學家陳定幫與太太楊錳霏等。Bob林盛斌甚至主動發功為非常恨嫁的胡定欣找老公，不過仍未有進展。而Bob林盛斌在《玲玲友情報》中反而點名另一位48歲的視后，大讚對方是「超筍盤」，未知是否有意再發功。
相關閱讀：Bob林盛斌再「置業」！曝光骨灰龕位金光閃閃門面 讚有酒店級水準價值六位數
Bob林盛斌點名一位視后是「超筍盤」：
今晚《玲玲友情報》一開始，各主持要選出公司心目中筍盤時，向來豪邁的黃紫恩忽然變得怕醜︰「要喺公司揀個男筍盤真係好難揀，夾硬揀我會諗起一個人喎。話說前一排我整親塊面，跟住佢用好低沉聲線關心我。」黃紫恩講的是同台藝人李爾晨（Kyle），她透露受傷後，獲Kyle體貼慰問，又提點自己「你記住喇，身體呢啲嘢最緊要，做嘢唔係最緊要，你一定要照顧好自己呀。」接住黃紫恩含羞答答借螢幕傳情說︰「真係好多謝你對我嘅關心呀，Kyle。」
萬千星輝頒獎典禮2023丨視后民調排行榜結果：
Bob林盛斌：有男士只想呃女仔
而今集《玲玲友情報》嘉賓是圈中有「金牌媒人」之稱的Bob林盛斌。Bob林盛斌自言找自己做媒人，有幾樣規則要遵守，Bob林盛斌說︰「我做媒人無利益，只係想成人之美，每次都會做好雙方背景審查先介紹。同埋其中一樣，我會要求雙方提供無 P 圖嘅相。」Bob林盛斌透露遇過男士只想呃女仔，根本不是找對象，這類人會被列入黑名單。講到相親，麥玲玲自爆當年跟老公亦是因此認識，麥玲玲笑說︰「我老公係相睇達人，我係負責接待相睇團，點知畀佢睇中跟住追我。」麥玲玲自言當年有價有市，有不少追求者。
Bob林盛斌列佘詩曼5大「筍點」
《玲玲友情報》中各人作不記名投票，揀選公司中的女筍盤，藝人馮盈盈、蔡思貝、陳欣茵、黃紫恩等都榜上有名。Bob林盛斌說到心水之選，是早前憑TVB台慶劇《新聞女王》演「Man姐」而人氣爆升的視后佘詩曼。Bob林盛斌以「超級筍盤」形容佘詩曼，他接受訪問時列舉佘詩曼5大「筍點」，Bob林盛斌說︰「阿佘真係無得頂perfect（完美），人又靚、做嘢又叻、為人夠義氣仲要心地善良；淨係唔使你養呢樣，已經加晒分，仲想點。」
9位與佘詩曼同齡女星：
陳欣茵黃紫恩即場「睇貨」
此外，臨近節目尾聲，Bob林盛斌終於亮出兩個筍盤給陳欣茵、黃紫恩欣賞，一位律師、另一位靚仔有型打扮入時，黃紫恩看完相之後猛話「呢個收工行得」，要Bob林盛斌即時介紹。
相關文章：
林盛斌高調為女友人招親 性格好仲擁過百物業 網民驚嘆撞樣「Gordon哥哥」
Bob林盛斌聞政府派糖谷生仔飲恨痛失8萬 網民群起鼓吹一招止蝕
林盛斌貼豪宅大門相愈住愈豪？年賺2千萬撈到風生水起 陳煒都羨慕：你又買大屋
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
