Bob林盛斌再「置業」！曝光骨灰龕位金光閃閃門面 讚有酒店級水準價值六位數
發佈時間：20:00 2023-11-08
瓣數多多的44歲林盛斌（Bob）是出名的隱形富豪，多年來身兼主持、演員及娛樂公司老闆，有傳他的司儀騷平均每場收六位數字的酬勞，最高紀錄試過一年接下過百場騷，本來一家六口租住被C君形容為「大過地球」的九龍塘四層獨立屋，在2022年被爆再搬到同區更加大的豪宅，吸金能力驚人！而Bob林盛斌亦非常擅於投資，他去年以80萬港元買入美國千呎獨立屋收租，而最近Bob林盛斌自揭再「置業」！
【相關閱讀】：林盛斌發聲明譴責騙徒冒認教投資 網民錯重點：原來Bob哥咁有錢
【點擊睇林盛斌買骨灰龕位】：
Bob林盛斌今日（8日）在社交平台出PO，表示剛剛買了一個骨灰龕位，大讚場地管理有酒店級水準，Bob林盛斌直言今次並非賣廣告，此舉只不過是「為自己同埋屋企人未雨綢繆」。Bob林盛斌說：「過去兩三個禮拜，唔知無啦啦挑起邊條筋，上網睇咗好多關於買賣骨灰龕位嘅資料，亦都親身去咗幾個已經合法攞咗牌嘅地方視察過，綜合咗價錢、環境、服務同風水幾個因素之後，最終，我決定，為自己同埋屋企人未雨綢繆。」
Bob林盛斌又稱此舉並非「幫人岀post宣傳」，Bob林盛斌再解釋：「其實你要點諗，我真係阻止唔到你，只係我好想話俾大家知一樣嘢，當某啲出名少少嘅骨灰龕場，求其一個邊邊左上角或者右下角嘅窿仔，仲要只係「單人位」，個價都講緊50幾60萬，如果個位想好少少例如齊眉嗰啲差唔多成球嘢嘅時候，呢度嘅「雙人位」，收費只係其他龕場嘅一半都唔使。」最後比較過之下，Bob林盛斌表示：「得出嘅結論係：『呢度最好』。」
【點擊睇林盛斌大宅】：
Bob林盛斌還說：「我必須承認，個老闆娘係俾咗一個好好嘅優惠我，而我出呢個post最最最重要嘅目的同原因，係因為我要求佢都可以俾到同樣優惠我嘅followers，我同佢講，未必個個孝子賢孫都係大富大貴嘅人，不過如果有機會俾到啲後人用佢有限嘅經濟能力，但係都可以安排到俾自己嘅親人日後一個舒適嘅環境，咁樣，其實係一個好大嘅功德，而佢哋個老闆娘，係認同嘅，因為咁多年嚟，佢自己都做咗好多好多慈善嘅工作。」
【其他文章】：
林盛斌高調為女友人招親 性格好仲擁過百物業 網民驚嘆撞樣「Gordon哥哥」
Bob林盛斌聞政府派糖谷生仔飲恨痛失8萬 網民群起鼓吹一招止蝕
林盛斌貼豪宅大門相愈住愈豪？年賺2千萬撈到風生水起 陳煒都羨慕：你又買大屋
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
