獨家丨72歲李龍基年尾娶嫩妻埋門一腳急停 再婚延期否認縮沙：隨緣吧
更新時間：07:00 2023-12-21
發佈時間：07:00 2023-12-21
發佈時間：07:00 2023-12-21
字體大小
年前，72歲李龍基跟細他36年的王青霞（Chris Wong）譜出「爺孫戀」後跟老婆離婚，原定趕及今年「雙春閏月年」再婚，正式給予嫩妻Chris名份及大灣區7層物業樓契，但埋門一腳急停，問基哥是否想縮沙？他答得小心，「傻啦，點會縮沙呀?」，更以「隨緣吧」來拆解婚期被迫延誤。採訪：方騫平
基哥及Chris婚事，最快要押後到明年2月。
今年初基哥孭住Chris報喜。
年初，早已過著「老夫少妻」生活的李龍基及Chris接受《頭條日報》訪問，前者未得後者同意下爆料，稱他們還未結婚，但已計劃返內地見家長，問准未來外父、外母要幾多禮金後，如無意外今年底會低調迎娶Chris，唔會擺酒，最多請老友食飯就算。同時，基哥又自誇老當益壯，4年來跟「嫩妻」性生活好協調，同居試婚大成功，各方面溝通不成問題。
李龍基、Chris有影皆雙。
兩人早已過住同居生活試婚。
準老婆冇大肚
2023年快將過去，基哥再婚變都市傳說，記者笑問基哥係咪玩縮沙？他否定說：「儍啦，那有縮沙呢回事！」語畢解釋：「因為我『老婆』家有白事，喜事暫時推遲，按中國人的習俗紅白二事不能相沖，最快要2個月後。」對於好事多磨，天意弄人，兩人要接受上天考驗，對此，72歲嘅基哥看透世情，他帶點感慨說：「唉呀，可能係，但係咁多年啦，我哋彼此都好了解，盡量啦，冇辦法啦，人不能勝天，隨緣吧！」提到Chris之前在社交網晒出逾3.8萬嘅Hermès木馬玩具，網民疑惑是否要配合雙喜臨門進度，預先買定玩具畀BB玩。基哥堅持隨緣造人：「我當然有心有力，但呢個(有喜)係假嘅！網民想像力太豐富嘞。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
