中年好聲音2丨陳蒨葶露香肩扮波斯貓極妖艷！ 46歲麥素華魚網絲襪上陣震撼眼球

更新時間：23:25 2023-11-26
發佈時間：23:25 2023-11-26

TVB歌唱節目《中年好聲音2》今晚播出的一集來到「廿四強導師分組賽」，致敬傳奇巨星。評審團除肥媽、伍仲衡、張佳添和周國豐外，還有關心妍暫替陳慧嫻出任評審。

【點擊睇《中年好聲音2》今晚戰況】：

本回合為導師分組賽，24強選手將分成三組作賽，除了有韋綺姍、彭家麗冧莊擔任星級導師外，還有谷婭溦強勢加盟。三位導師「揀蟀」時表現肉緊，爭搶三大熱門劉可、顏米羔和安雅希，率先搶到劉可的彭家麗說：「越靜嘅人，裏面越多嘢畀人發掘。」谷婭溦則揀了顏米羔：「我嚟呢度就係想要冠軍！」韋綺姍則選了安雅希：「你跟住我一定係冠軍。」本回合主題是「致敬傳奇巨星」，三組選手將以個人獨唱或雙人合唱形式演繹六個系列的經典金曲，並分成上、下半場進行對決，將會淘汰三人。

上半場的「致敬傳奇巨星」系列是「上海歌后」、「梅艷芳」和「羅文」，先有韋綺姍組的尹新杰唱《夜來香》，尹新杰得到81分，還獲肥媽大讚：「欣賞你跳舞之餘，仲可以唱歌。」關心妍更說：「好有吸引力，啲男人味散發到呢。」之後彭家麗組的簡潔明唱《給我一個吻》得77分，而谷婭溦組的曾蜜詩着上旗袍唱《三年》，大展女人味，成功獲得87分，肥媽亦大讚她的低音，以前從未被發掘。

林若盈與王玥似Twins

來到致敬梅艷芳部份，林若盈與王玥合唱《親密愛人》、朱博文與鄭梓浩合唱《冰山大火》，陳燕娜與麥素華合唱《壞女孩》。林若盈和王玥齊齊以粉藍色露肩裝上陣獻唱《親密愛人》，兩人聲線和造型非常合襯，婉婉笑言她們如Twins一樣。張佳添大讚：「你哋兩個好靚聲，Blend埋一齊，耳仔就嚟懷孕，好悅耳。」肥媽點名讚王玥：「你進步好大。」

雖然林若盈與王玥獲得大讚，但之後隨即被大熱鄭梓浩與朱博文的87分超前。陳燕娜與麥素華則以天使與魔鬼造型合唱《壞女孩》，46歲麥素華更着上魚網絲襪出場，非常震撼，而陳燕娜則是純白天使look，背後的翅膀卻是紅色。不過最後只得78分。

劉可似如莫華倫上身

致於致敬羅文的環節，37歲的陳蒨婷演唱《波斯貓》，粉藍色隱形眼鏡、加上白色毛毛外套上陣，化身妖爆波斯貓！蒨葶獻唱時不斷搔首弄姿，又扮貓咪叫和舔手，非常入戲，肥媽說：「佢真係入咗舞台，當自己係隻貓！」周國豐則說：「蒨葶應該係今季最好睇嘅參賽者。」最後獲得84分。

大熱之一的劉可再獻新猷，獻唱《明日天涯》的他挑戰歌劇式唱腔，大晒強勁震音，就如莫華倫上身。張佳添笑言：「你呢隻係 Phantom of the Roman（羅文英文名）。」肥媽亦大讚好正：「可能會有人覺得佢嘅唱法、震音係古老咗啲，但佢將呢首歌嘅澎湃唱到出嚟。」伍仲衡則持相反意見：「你係咪好想跳出你嘅comfort zone（舒適圈）？如果你係開演唱會，我會非常appreciate（欣賞），但呢個係一個比賽，我係覺得好嘈，唔好意思。」