新聞女王丨陳曉華零底線演出獲讚演技大躍進！港姐冠軍曾被當花瓶 緋聞搶眼過工作表現？
發佈時間：17:30 2023-11-22
台慶劇《新聞女王》於周一（20日）首播，雖然在香港只播出了兩集，不過在網上已經有不少迴響！2018年港姐冠軍陳曉華今次飾演記者唐芷瑤，在大型巴士翻側意外，為了得到「Man姐」佘詩曼的賞識，在零底線下不惜偷取車CAM和跪地死纏鄭啟泰接受訪問，助攻文家軍贏得漂亮一仗，可惜最後淪為辦公室鬥爭犧牲品！劇集播出後，網民對陳曉華的演技有進步，陳曉華更坦言：「我都上咗好寶貴嘅課堂！」
【相關閱讀】：新聞女王丨佘詩曼吊帶睡裙晒牛奶肌床上激戰何廣沛 高海寧逼爆上圍舉動撩人
【點擊睇《新聞女王》陳曉華演出】：
陳曉華飾演「唐芷瑤」在劇中被稱為「自卑機心女」，為了存活三度死𦧲兼兩度下跪，分別是跪求盧博士（鄭啟泰飾）受訪、跪求Man姐不要解僱自己，及扮醉死𦧲佐治再次給予機會，本來以為立了大功，在辦公室大派「勝利蛋糕」，殊不知原來是收到佘詩曼的大信封，被用完即棄的陳曉華不但未有爭辯、連尊嚴也不要跪地求佘詩曼收回成命，被拒後的陳曉華再找「梁景仁」馬國明幫忙，甚至暗示可出賣美色，可惜遭馬國明篤爆她扮醉後出言奚落：「女人嘅人緣你冇，女人嘅直覺你都冇」、「狗咬人你都想像唔到，人咬狗嘅世界唔啱你。」事後陳曉華在社交平台貼上劇照並留言：「作為第一個被淘汰嘅snk news記者，我都上咗好寶貴嘅課堂，多謝man姐、家妍、George、芷瑤。George 講過『女人嘅人緣你無、女人嘅直覺你都無』，之所以冇，可能係因為太過執著於某啲事情，忽略咗身邊嘅事，努力好重要，但過分努力，可能會迷失，我都係一個好怕停低嘅人，所以一直學習如何去得到平衡，從來無諗過『唐芷瑤』呢個角色能夠引起咁多人共鳴，我諗大家都很努力，好博命，辛苦啦，願你哋都能夠在生活中去得一個合適嘅平衡。」
【點擊睇陳曉華昔日演出】：
不少網民留言讚陳曉華演技有進步並對她角色的人設及遭遇大感興趣：「這種扮傻扮委屈的比擺明笑裡藏刀的奸角更可怕」、「為咗上位，真係搏到又搶又跪」、「搏上位搏到失咗理智踩過界」、「毫無尊嚴」、「角色自卑心太強，但佢做得好有feel」，陳曉華亦坦言十分心痛「唐芷瑤」：「當一個人好努力時，真係會犧牲好多嘢。我都覺得自己必須要好努力、唔努力就會連機會都見唔到；所以我會好努力，亦明白芷瑤嘅努力。我同芷瑤唔一樣嘅係，我有底線同埋我唔噴香水。」陳曉華又稱今次與佘詩曼和李施嬅合作獲益良多：「佢哋係好好嘅榜樣，佢哋認真工作嘅氣場，令我拍攝時都更加集中。佢哋主動、積極，又完全唔怕辛苦，之前同施嬅拍咗三日戲，三日陽光都好猛烈，但佢曬足三日都依然狀態好好。而阿佘同我分享過嘅嘢，到而家我拍嘢時都會經常用嚟提醒自己。」
陳曉華戀事多多曾與Ian傳緋聞
畢業於中大護理系的陳曉華是2018年港姐冠軍，在大學時期已是兼職平面模特兒，因小時候留院治療期間，遇上港姐冠軍的楊思琦探訪後，決定去參選香港小姐，最後以大熱姿勢成功奪得冠軍，其後代表香港參加《2019國際中華小姐競選》，再次勇奪了冠軍寶座後入行，卸任後機會不斷，雖然最初拍劇時演技及聲線備受批評，但其後仍獲提升為女一，在《異搜店》時表現被讚有改善，其後於《美麗戰場》更獲好評，工作不斷。陳曉華的感情生活多姿多采。參選港姐被揭曾與狄以達拍拖，還有報道指2人在餐廳「撐枱腳」時說粗口而被稱為「粗口港姐」，事後陳曉華表示會小心自己的言行舉指，不過2人因各自專注事業發展，最後分手收場。其後又被人拍下陳曉華和Ian@MIRROR密會，陳曉華當時只稱指雙方是認識的，工作以外事情不回應，Ian的經理人花姐證實兩人並非情侶，接着陳曉華先後與方力申、何廣沛和羅天宇等人傳緋聞。
【其他文章】：
新聞女王丨何依婷為求上位激咀馬國明率先睇！ 新婚人妻晒白滑長腿兼香肩任睇唔嬲
新聞女王丨有線主播竟在辦公室開電視追劇！ 網民激讚佘詩曼演技報新聞似方健儀
新聞女王丨佘詩曼霸氣登場主播tone成焦點 郭柏妍學生妹look清純感大爆發
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
