黃鴨丨楊茜堯羅子溢做廿四孝父母帶仔女打卡熱到爆燈3歲囡囡曬到面紅

更新時間：21:00 2023-06-12
發佈時間：21:00 2023-06-12

由荷蘭藝術家Florentijn Hofman創作的巨型黃鴨事隔十年再臨香港，今次更打孖上展出兩隻巨型黃鴨，不少市民踴躍到海傍睇鴨。日前余香凝帶愛女去睇黃鴨，竟然意外見證黃鴨洩氣一刻。楊茜堯（前名楊怡）與老公羅子溢（前名羅仲謙）亦在百忙中抽空帶一對仔女去打卡，認真廿四孝父母，不過因為天氣太熱，令楊茜堯大呻：「爸爸媽媽唔易做」。

【點擊睇楊茜堯湊女睇黃鴨】：

最近天氣炎熱，不過都無阻楊茜堯與羅子溢帶一對子女到海傍睇鴨打卡，今日楊茜堯在IG貼出一家四口打卡相，見羅子溢負責抱住三歲囡囡「小珍珠」，而楊茜堯則抱住兩歲細仔Eden，雖然個個都戴上帽子及太陽眼鏡，做足防曬措施，不過小珍珠已經曬到面紅紅。楊茜堯留言說：「雖然超級熱，但珍珠妹話要去睇大鴨鴨🐥爸爸媽媽唔易做🤭 #鴨仔都熱到溶咗 #兩隻鴨仔得返一隻」

同為媽媽的陳敏之留言表示：「值得嘅」，而楊茜堯亦表示認同回覆：「係」。已經榮升婆婆的余安安也謂：「我尋日都為咗個孫同女去咗打咭！熱到一個點😂」其他網民則笑稱現在已經變回兩隻黃鴨，楊茜堯可以再帶囡囡去打卡：「今日兩隻鴨齊腳啦！可能珍珠妹話要去睇兩隻大黃鴨😂」、「而家好似兩隻喺曬度喇！小珍珠會唔會又想去睇多次？」

【其他閱讀】：

黃鴨｜余香凝母女直擊「爆鴨」一刻 2歲囡囡即O嘴表情與媽媽神同步

陳綺貞文青女神人設徹底崩壞！舊愛列八宗罪指控霸凌激吻人夫後性情大變

林青霞42年前只穿內衣性感舊照瘋傳嚇親網民：以前咁大膽？

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ