獨家丨素海霖被開價10萬求上牀:我都搵到啦 想全亞洲人都識佢視楊紫瓊為目標

更新時間:07:00 2023-03-21
發佈時間:07:00 2023-03-21

26歲素海霖(Erena)進軍日本AV界成為首位港產女優,消息一出震撼全港,討論區被其日本藝名「絵麗奈」洗版。連拍兩套處女作的她,有日本AV界天王清水健錫住「打真軍」,激戰期間減輕力度,仲會帶住佢轉換位置,令貴為做愛KOL的Erena好享受。另外,揚言要成為有影響力女性的Erena,終極目標想成為剛奪奧斯卡影后的楊紫瓊,第一步先獲亞洲人認識。對於網民臭口稱她為「電子雞」,Erena直認有收過問價但唔會覆,坦言「我都搵到唔會心動。」採訪:方騫平 攝影:譚志光

上網自己Check過時辰八字,Erena以藝名素海霖出道。其實她早於2016年以藝名蘇浵簽約大名娛樂,之後再用真名蘇凱琳拍電影《#PTGF出租女友》,Erena否認在娛樂圈撈唔掂才把心一橫拍AV:「其實有咁多嘢做唔一定揀呢份工,想有突破要破釜沉舟,係好摶,咁易放開自己,一早有人做咗啦。」Erena拒抗重提舊史因為想保護家人,更坦言家人一定唔支持她的決定:「佢哋都知我任性,會互相尊重,在心中,我都怕親戚會畀壓力佢地。」

Erena視楊紫瓊為目標,第一步要喺亞洲市場打響知名度。
Erena視楊紫瓊為目標,第一步要喺亞洲市場打響知名度。
Erena曾上ViuTV節目《晚吹–戀講嘢》,分享同男友各自偷食的經歷!
Erena曾上ViuTV節目《晚吹–戀講嘢》,分享同男友各自偷食的經歷!
2021年Erena以真名蘇凱琳拍攝港產片《#PTGF出租女友》。
2021年Erena以真名蘇凱琳拍攝港產片《#PTGF出租女友》。
早於2016年,Erena以蘇浵藝名簽約大名娛樂成為歌手。
早於2016年,Erena以蘇浵藝名簽約大名娛樂成為歌手。

林作求救增加持久力

4年前擔任Erena英文班補習老師的林作現身爆料:「佢上堂時成日遲到早退,仲迷到呢…」被數的Erena尷尬回應:「你唔好理我啦。」曾被女友裕美取笑得30秒的林作,乘機請教如增加持久力?Erena即讚裕美好勁,令到林作咁快完事,又稱跟前度做愛對方亦只能維持1至2分鐘,她黑面後覺得對方可愛:「做愛做得太耐女仔好攰,反而鍾意多次數,想要咪迫佢囉。」她認為每人享受嘅嘢唔同,她試過最勁一周做愛20次。

裕美自言性冷感,甚少跟林作行埋。
裕美自言性冷感,甚少跟林作行埋。
被女友裕美取笑早洩的林作,扁晒嘴向舊學生Erena求救解決方法。
被女友裕美取笑早洩的林作,扁晒嘴向舊學生Erena求救解決方法。
林作憶述當年Erena迷住返英文堂。
林作憶述當年Erena迷住返英文堂。

私訊下體相要求評價

Erena自公開做AV女優後,IG Follower由8萬7千勁升至18萬3千,至於賣性感相及片的Patreon,今年初曾加咗兩嚿幾水,最平月費變$555,但近月食住人氣,訂閱人數去返早期水平:「香港賣相網市場飽和,我經營咗兩年冇晒新鮮感,好彩𠵱家收入多返,都有5位數,每月夠我養活自己及照顧到家人少少,我覺得價格合理。」另外,為增加客源,今年初Erena為賣相網增添凸點相。問到最貴月費盛惠$79,280,Erena即Sales上身,「有手動收藏功能,可收藏之前嘅內容。」她行走江湖多年,曾收過大量私訊問價,由幾千到十萬不等希望有更親密接觸,甚至傳下體相求評價。Erena坦言:「賣得相就預咗,我性格癲癲哋㗎,接受能力比較高,明白有啲人要搵位發洩,我心情好咪評論吓囉,但問價就唔會應,我都搵到咁嘅錢唔會心動,應咗佢哋咪以為有機會?」

Erena的Patreon賣相設定都有超濃AV味,隨意一條題就有「老公可唔可以早啲返嚟餵飽我?」(註,冇入會所以冇相睇)
Erena的Patreon賣相設定都有超濃AV味,隨意一條題就有「老公可唔可以早啲返嚟餵飽我?」(註,冇入會所以冇相睇)
Erena的IG Follower由8萬7千勁升到18萬3,反應比預期中好。
Erena的IG Follower由8萬7千勁升到18萬3,反應比預期中好。
玩咗兩年Patreon,Erena好了解男人要啲乜,齋賣弄性感未必會有反應,個人賣相網最貴月費盛惠$79,280。
玩咗兩年Patreon,Erena好了解男人要啲乜,齋賣弄性感未必會有反應,個人賣相網最貴月費盛惠$79,280。
Erena的Patreon 3月賣點,有深藍色性感低胸喱士睡衣加乳貼又有眼鏡娘加T-Back,箍客真係唔容易。
Erena的Patreon 3月賣點,有深藍色性感低胸喱士睡衣加乳貼又有眼鏡娘加T-Back,箍客真係唔容易。

堅稱冇整容唔排除整

對於近日被傳媒高度關注,更稱為香港之光,Erena用平常心面對:「升得快有可能跌得快,呢段時間睇到好人性一面,邊啲人會留喺你身邊,唔好將讚美當晒係真。」對於負評,她最介意被鬧唔理父母感受:「有留言鬧我係『電子雞』,又話我整容樣,我唔會因為咁唔去做,筆錢用嚟生活重要過佢哋抨擊我,佢哋夠膽咪用真身同我講囉。」另外,Erena視被指整過容係讚美,「樣衰就唔會俾人咁講。」而記者再三追問下,她堅稱冇整過容,但唔排除日本經理人公司會有此要求。最後Erena堅信AV有市場需求:「大部份人鍾意做愛多過食飯,只係唔肯認!」

《星島頭條》APP經已推出最新版本,請立即更新,瀏覽更精彩內容:http://www.stheadline.com/