麥美恩手戴戒指疑洩密被求婚 緋聞男友許文軒 : 快啲嫁得出！
發佈時間：16:30 2023-02-23
麥美恩（Mayanne）跟娛樂新聞台主播許文軒（Edmond）的緋聞傳足多年，雖然二人一直未有承認關係，但亦不介意緋聞經常被「擺上台」，而去年Mayanne卻自稱單身，關係撲朔迷離。月底即將踏入36歲的Mayanne日前預先與一眾圈中好友周奕瑋﹑駱胤鳴與老公及緋聞男友許文軒（Edmond）及爸媽提早慶生，相中見準備了兩個生日蛋糕、一大紮鮮花，壽星女Mayanne非常開心，更被發現手上戴着戒指，疑似洩蜜被求婚成功。
【點擊睇麥美恩生日會相】：
Mayanne興奮寫道：「等咗三年. 三年啦…終於可以齊人食飯仲要同我慶祝生日#go36 #gogorabbit感恩有你哋，呢幾年多謝有你哋陪伴，陪我玩﹑陪我傻﹑陪我發夢，人生有個真正癲友的確好極，最後影大合照都要玩嘢。」Mayanne捧着一大束鮮花，笑得相當燦爛，有眼利網民發現她的右手中指戴住一隻戒指，即惹起被求婚疑雲，並紛紛留言送祝福；她又孖住Edmond搭着膊頭合照，非常甜蜜；而另外一張Mayanne與爸媽的合照相，又見Edmond在後面鬼鬼祟祟的避開，場面搞笑。
周奕瑋在Mayanne的貼文留言：「又係花，悶唔悶㗎？」Edmond則搭訕：「係囉，我都覺得好悶！」壽星女則tag Edmond表示：「俾少少誠意啦…唔該」而Edmond 再回覆：「咁你要問吓送俾你嗰個人喎」似乎想澄清自己不是送花人 。求婚消息傳開後，緋聞男友Edmond就在社交平台貼出與Mayanne的合照並表示：「見我哋兩個企到離行離迾都知咩事啦！紥花唔關我事，個蛋糕都唔關我事(但好好味)，隻戒指更加唔關我事！既然成班咁好朋友，又咁耐冇聚過，梗係要開心下啦！祝生日快樂！快啲嫁得出啦！」Mayanne即留言表示：「你應該快過我啦，唔好咁奄尖，應該仲快。」二人關係撲朔迷離。
【其他文章】：
吃貨橫掃曼谷｜27歲陳星妤性感博盡獲公司力捧 被翻摷舊照惹「加工」疑雲
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
