麥玲玲親自解「低胸之謎」！瓣數多多招惹是非靠一樣嘢減壓
發佈時間：14:00 2023-02-23
著名堪輿學家麥玲玲早前因為一輯年輕相突然翻Hit熱爆網絡，好多人大讚玲玲師傳keep好好，後生個樣有啲似日本女星松田聖子，勁有日本少女氣質，激凸上圍亦令不少人羨慕！多年來紅色外套襯低胸小背心再配黑色短裙，似乎已經成日玲玲師傳的標誌，但原來這個配搭背後有一段古，日前接受一個網上平台問訪問，親自解「低胸之謎」！
【點擊睇麥玲玲出道以來的打扮】：
玲玲師傳曾經講過，穿紅衫黑裙或者中間背心目的是希望令人留下深刻印象：「因為要認得一個人，其實係好難，所以有一個固定嘅模式係容易，我早期出道嘅時候，有少少知名度，但係又唔係完全好多人認識，成日有人叫錯我做『朱玲玲』又抑或係『嗰個營養學家』，我記得去買餸嗰陣都有人咁叫過，佢哋唔記得咗你嘅身份，其實我個名已經好易記，因為有個叠字，所以不如記我嘅形象，呢個女仔成日都着紅色衫，起碼叫做有一個定位畀人哋記得。」今次在片中，玲玲師傳再次解畫：「佢啲會覺得你做啲嘢奇怪，成日都着背心少少低胸，覺得你超越咗呢個範圍，其實唔係咁樣，本來我就係頸短，梗係着背心，唔通着樽領咩！」
瓣數多多的玲玲師傳，除了鑽研風水命理外，更走拍戲兼唱歌：「我好鍾意做一啲同自己行業完全無關嘅嘢，咁樣先可以減到壓，所以好多人覺得你咁忙，仲要去拍電影同電視劇，你個人係咪好鍾意出風頭？我覺得自己個人係好低調。」她還説：「我係容易出名，但係因為我『食神傷官』，命理上『傷官傷盡』，呢類人係是非多，爭議性多，總之我出嚟做乜，啲人就會問我：『嘩，搞乜嘢？』坦白我，我自己又真係冇乜諗，大家以為我marketing好叻，但其實我係傻，唔理人哋點樣睇，我覺得咁大個人，自己鍾意咪去做囉，又唔係害人，想做咪放膽去做！」
【點擊睇麥玲玲年輕照片】：
不過要數玲玲師傳的歷年佳作，其中一樣是與農夫合唱《風生水起》，原來合作背後都有段古：「嗰陣嘅原因係因為我有啲負面新聞，大家都話我睇咗嘢，我個心就諗，不如寫隻歌去紓發心情，咪走去同C君講，結果咪真係做咗呢件事。我仲記得嗰陣我唔敢話畀電視台啲高層聽，如果你問，佢哋實叫你唔好做，嗰啲 （農夫）都唔知係邊個嚟，點知一出嚟係爆咗。自從出咗呢首歌，我哋係將所有人溝受亂咗，出街啲細路個個都民叫我『玲玲姐、玲玲姐我有嘢問』，會不停哼呢隻歌畀你。」
【其他文章】：
63歲鍾楚紅無懼眼紋暴現晒素顏近照 自然老去獲網民封「最有氣質姐姐」
48歲森美P圖歡送Marco太重手 撞樣五男星網民讚同姜濤一樣咁靚仔
新四十二章｜鄺潔楹爆炸頭扮醜私下原來係富家千金 家住2千呎大埔豪宅 名下仲有千萬物業
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
