你好，我的大夫丨蔡思貝一原因用針拮自己 與何廣沛同期出道首度合作
發佈時間：19:40 2023-09-02
TVB新劇《你好，我的大夫》將接棒《破毒強人》於11日起播映，主要演員包括蔡思貝、何廣沛、陳嘉慧、吳偉豪、游嘉欣、孔德賢和許俊豪等。蔡思貝與何廣沛兩位受TVB力捧的小生花旦同期出道，這次接拍劇集《你好，我的大夫》是他們首次合作，實在令人期待！
【相關閱讀】：獨家丨何廣沛為蔡思貝針灸醫爛口 二人齊否認導演鬧許俊豪戲屎
【點擊睇新劇《你好，我的大夫》】：
《你好，我的大夫》以中醫為題材，故事圍繞程嘉應（蔡思貝飾）和辜清勁（何廣沛飾）這對青梅竹馬發生，兩人本來是情侶兼同屆中醫系畢業生，後來辜清勁選擇繼續進修而與程嘉應分手。十年過去，程嘉應已在公營中醫診所晉升為中醫服務主任，身為中醫博士的辜清勁卻只能應徵當進修中醫師，更會成程嘉應的下屬。雖然程嘉應、辜清勁因自身理念在工作上產生磨擦，但兩人都抱着醫者仁心，希望用醫術幫助更多病人。後來兩人有感醫療制度對中醫有不少限制，最後聯同一班新晉醫師路遠志（吳偉豪飾）、袁絲絲（陳嘉慧飾）、唐韶光（游嘉欣飾）和彭晴望（孔德賢飾），一同創業打造心目中的中醫診所，踏上仁醫之路。
蔡思貝自針領悟針炙最佳力度
蔡思貝、何廣沛在劇中同樣飾演中醫師，由於在劇中有不少把脈、針灸、推拿等場口，兩人事前獲劇組安排學習中醫知識。在《跳躍生命線》和《白色強人》分別飾演過救護員和西醫的何廣沛，受訪時坦言中醫師比較難演，他說：「角色嘅對白係非常難，有好多學術上嘅用詞、四字成語同埋藥材名，都真係幾蹺口巉手，所以背劇本要花好多功力。」提到難忘的場口，何廣沛笑言：「第一次畀游嘉欣針灸，大家都好慌失失，游嘉欣仲針到唔見咗支針，情境都好搞笑！之後有一場戲係我幫思貝針，咁啱嗰場戲要喺個難啲嘅穴位到施針，搞到NG咗好多次，我都好唔好意思，因為拮咗佢好多次！」蔡思貝則以「自針」來感受針灸感覺，她說：「拍攝前上咗兩、三堂學習針灸嘅手勢，之後我提議針落自己度感受吓係點，其實只要夠狠一吓針落去，唔好慢慢落針，個痛感只係好似畀人細細力咁搣。」
兩位主角蔡思貝、何廣沛雖然差不多同期出道，但兩人今次是首次合作，廣沛大讚思貝是好拍檔：「同佢合作係非常之好，大家嘅狀態都好Good，佢係一個好有想法嘅演員，同埋情感都好豐富，今次我哋演嘅角色唔係普通嘅情侶，關係比較複雜，好彩有思貝做我拍檔。」蔡思貝亦誇何廣沛是好對手，她說：「佢好Nice，會Take Care身邊所有對手，佢會令你覺得同佢拍嘢好舒服，緊張感好快就冇咗。」
蔡思貝大改以往型格造型
在劇中飾演女強人的蔡思貝今次一改以往短髮型格造型，以中長髮仙氣Look大晒女人味，令人耳目一新。蔡思貝還自揭長髮的秘密：「開呢套劇時仲未能夠完全用自己嘅真頭髮，所以後尾要用髮片駁長啲頭髮，但呢個係好頭痕嘅事，因為要每日都Make Sure個長度係咪連戲。短頭髮我都唔係唔鍾意，因為容易畀人認得，我都好鍾意百變嘅感覺。」
【其他文章】：
無間一戰丨蔡思貝綜藝連劇集下月出街開直播谷宣傳 陳煒未有八卦朱晨麗戀事
貝遊歐洲丨蔡思貝純白泳裝晒健美身材 戶外浸浴伸出長腿竟零美感？
何廣沛傳與朱晨麗分手首現身五不回應感情事 稱任何關係都有變化一刻：自己解讀吧
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
