貝遊歐洲丨蔡思貝純白泳裝晒健美身材戶外浸浴伸出長腿竟零美感？

更新時間：14:30 2023-08-27
發佈時間：14:30 2023-08-27

由蔡思貝主持的旅遊節目《貝遊英倫》由於反應熱烈，TVB乘勝追擊推出全新節目《貝遊歐洲》，並將於明晚（28日）起首播。蔡思貝今次會帶大家玩轉英格蘭、蘇格蘭及威爾斯英國三大區域，還會飛赴意大利，玩齊最潮最新打卡熱點！

【點擊睇蔡思貝玩轉歐洲】：

周一（28日）播出的第一集，蔡思貝帶大家玩轉位於英格蘭南部的布萊頓感受陽光與海灘。是集最大睇頭絕對是「冰火兩重天」桑拿浴，以一件頭泳衣上陣的蔡思貝大晒健美身材。由於當時天氣只得15度，蔡思貝沖凍水涼時凍到彈彈吓，蔡思貝雖然穿上泳衣在戶外浸浴，但畫面似乎不太性感，蔡思貝一時大笑，一時又拿起自己的長腿做出搞怪動靜，相當搞笑。沖完凍水涼後，蔡思貝即急急腳走入桑拿房歎世界，一邊焗桑拿一邊欣賞無敵海景，Chill級享受。美景當前，蔡思貝有感而發：「呢個Moment，最掛住係一班姊妹朋友，成日都話想一齊去旅行，但一直都未試過，因為大家都為自己嘅家庭、事業奮鬥緊，但我相信總會有呢一日。」蔡思貝於Brighton Palace Pier遊玩時發生小插曲，思貝玩滑梯時偶遇一名因掉了帽子爆喊的小男孩，蔡思貝見狀即為他「執番頂帽」，小男孩則送上抱抱感謝蔡思貝，畫面有愛。

偶遇智利粉絲邀合照

周二（29日）播出的第二集，蔡思貝出發到布里斯托和巴斯遊玩。位於英格蘭西南部的布里斯托到處都是獨角獸裝飾，少女心爆發的蔡思貝在一間餐廳大歎獨角獸奶昔，更食到成嘴都係泡，十分可愛。之後蔡思貝去到聖尼古拉斯市集行街，其間挑戰重口味飲超濃縮蒜頭檸檬汁，她笑言：「幻想唔到個口會臭幾多日。」蔡思貝行逛期間獲智利旅客邀合照，原來該名智利旅客是蔡思貝粉絲，一直都有Follow她的社交網，蔡思貝知道後感動得眼濕濕說：「媽咪我成功喇，我衝出國際喇！有啲感動，我做咗十年係冇白費嘅！」最後一站思貝去巴斯參觀羅馬浴場，還獲一位男士送上詩歌，氹得蔡思貝好開心。