選美考古丨81年港姐冠軍羅佩芝因一事被褫奪資格 認貪慕虛榮想尋死
發佈時間：09:00 2023-06-26
一年一度的選美界盛事、《香港小姐競選》即將舉行， 經過三輪面試後，新一屆的候選佳麗即將誕生！回顧《港姐》的經典事件，不得不提1981年那一屆，原先由羅佩芝登上冠軍寶座，可惜有人告發她原來虛報年齡，結果被褫奪她的冠軍資格，後改由亞軍勞錦嫦替代冠軍之位，一夜間由天堂跌落地獄，當時消息震驚娛樂圈！
【相關閱讀】：中年好聲音2丨90年代艷星身材容貌走晒樣 大媽味濃過屯門娜娜嚇親網民
【點擊睇羅佩芝獲獎一刻】：
當年羅佩芝遭越洋告密，指羅佩芝參選港姐虛報年齡，足足報細4年，最後被大會褫奪銜頭，由亞軍勞錦嫦頂上成冠軍，成首個被下台的港姐。多年後羅佩芝曾經在一個訪問上說過，為了當年的事件，一度有尋死的念頭。羅佩芝表示當年由美國返港參加選美，確實未有得到父母的同意：「點解我要去選美？因為我貪慕虛榮，我諗好多女仔喺後生嘅時候，都好想出吓風頭，睇吓啲明星，我自己都有呢種心態。可能呢個亦係一個好好嘅機會，充實吓自己嘅信心！」結果她竟然成功擊敗一眾佳麗，成為了港姐冠軍！
離開娛樂圈重新開始
成為了港姐冠軍後，正當羅佩芝代表香港到紐約參加環球小姐時，有三藩市讀者越洋爆料，無線經過審慎考慮後決定取消其冠軍資格，並由亞軍勞錦嫦補上，對於外界的負評，羅佩芝坦言自己有想過在美國的金門橋跳橋自殺：「嗰陣我望住條橋喺度喊，突然畀貨船一吓響按聲嚇醒咗，點解要做呢啲傻事？幫唔到人仲要令人傷心，於是我咪揸返車返屋企。」後來她的青梅竹馬男友提出結婚，她決定離開娛樂圈，重新過新生活，婚後她誕下3個兒子，沒有時間回想從前的生活，其後又轉投服裝生意，不過最後選擇專心照顧小朋友：「雖然我只係一個好普通嘅家庭主婦，不過依然係好開心，每日都有一個期望，喺小朋友身上學到好多嘢！」
羅佩芝當年亦有加入娛樂圈發展，試過拍過電影、電視、又出過唱片，可惜星運一般。洗盡鉛華的羅佩芝，在2016年再次現身接受訪問，暢談多年的生活經過，她稱當時並不是存心虛報年齡：「我媽咪當年移民美國畀人問話，要證明9個孩子都係佢親生，要佢背我哋嘅出生日期，結果媽媽就少報咗一年零一個月，喺我選美嘅時候，係用美國護照。」如今兒子已經長大成人，她除了參加教會活動外，亦有在社區教中文，回歸平淡生活。
24小時求助熱線︰
生命熱線︰23820000
明愛向晴熱線：18288
東華三院芷若園熱線︰18281
社會福利署熱線︰23432255
利民會《即時通》：35122626
撒瑪利亞會熱線(多種語言)︰28960000
香港撒瑪利亞防止自殺會熱線︰23892222
賽馬會青少年情緒健康網上支援平台「Open?」：www.openup.hk
醫院管理局精神健康專線(24小時精神健康熱線諮詢服務)：24667350
【其他文章】：
選美考古丨1976年港姐冠軍林良蕙返英定居絕迹娛圈 得獎失控大笑叫人難忘
選美考古丨74年港姐冠軍張文瑛遭紅斑狼瘡煎熬23年再患腸癌 曾出書紀錄奪冠秘訣
1993年港姐佳麗30年後激罕聚會 冠、亞軍莫可欣林麗薇合照鬥凍齡
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
