周星馳開拍《少林女足》進軍國際！ 列五條件公開招募年輕靚女
發佈時間：16:30 2023-06-22
周星馳繼2019年推出電影《新喜劇之王》後，就一直未有新戲上映，不少影迷都希望周星馳能早日復出。周星馳昔日好拍檔「田雞」田啟文早前在內地宣佈新戲時，大爆周星馳將會復出大銀幕，更指對方新戲將會自導自演，還透露曾經合作的演員都可以歸隊。今日（22日）周星馳過61歲生日，他在IG宣佈即將開拍《少林女足》，更公開招募靚女！
【相關閱讀】：周星馳65歲有新作上映 田啟文爆所有合作演員可以歸隊 網民期待女神出場
【點擊睇周星馳拍新戲】：
周星馳今日在IG貼出《少林女足》的第一稿劇本封面，日前還寫上「2013-0622」，看來是新鮮熱辣的劇本！周星馳留言說：「今天我只有一個願望，就是能與 一大群不同國籍、年青貌美、身材標緻、天資聰敏、體能出眾的靚女，一起共渡難忘時光，人數不拘，多啲嚟密啲手，我無懼人山人海，只怕妳未夠風彩！如符合以上條件，請把近照及個人資料發送到email。」最後更特別著名不接受P圖：「P圖造假絕不會得逞，我們團隊不會答應！國際社會更不會答應！」就連視后胡杏兒也留言想報名：「一定要年輕貌美呀？生過3件得唔得？」
周星馳昔日曾有多部作品曾經舉辦海選招募演員，包括今次新戲的姊妹作《少林足球》、2016年上映的《美人魚》等，林盛斌（Bob）今日初曾透露之前也曾參加過《少林足球》演員招募，當時只是大學二年班的他在同學慫恿下報名，Bob指當時是肥仔聰負責做第一輪篩選：「佢問我會表演啲乜嘢，我話我有特異功能，佢叫我做俾佢睇，然後我就將自己隻食指由直變彎，跟住佢笑咗。」最後Bob成功通過考核，不過在拍攝途中因為幕前幕後變動，而要改劇本需要逗一段長時間，而Bob亦因為要應付學業而返回香港繼續讀書。
【相關閱讀】：
林盛斌自爆拍攝中途辭演《少林足球》 原被星爺睇中做隊長遴選內幕曝光
梁朝偉親解與周星馳「親密」關係 自爆當年醉酒上台拎金像獎全因王家衛
周星馳私約林俊傑鬥畫功 公開畫作做謎題 網民集體估答案：《唐伯虎點秋香》
