林盛斌自爆拍攝中途辭演《少林足球》 原被星爺睇中做隊長遴選內幕曝光
發佈時間：16:30 2023-01-14
星爺周星馳在去年10月開設IG帳號後，不時與網民玩互動，踏入2023年的一刻，星爺晒出《食神》劇照並說：「新一年，有甚麼願望，通通講出來！」結果吸引大批名人網民留言許願，最難得是星爺統統親回，可算是最好的新年禮物！當日阿Bob亦有留言：「我嘅願望就係，你可以回覆我呢個留言！」結果當然得到星爺親回：「馬上！」事隔多日，Bob在社交平台撰長文憶往事，原來他在大學二年班時，參加了電影《少林足球》演員招募，當時被星爺揀中，去番禺拍戲個幾星期；可惜中途出現人事變動而要重新拍攝，他為了學業而拒絕留低繼續拍攝工作。
【點擊睇Bob當年抉擇】：
不過Bob在番禺拍了個多星期後，收到一個壞消息：「拍攝去到一半，基於有啲幕前、幕後嘅人事變動，我哋拍過嘅嘢要重新嚟過，仲要改劇本、改橋。當時我好擔心，唔知夠唔夠時間拍完佢，因為應承咗屋企人同學校要返去上堂。跟住當時執行監製定係製片...佢好好人話唔緊要，拍住先啦，盡量睇吓做到幾多咪幾多囉！但係我深知，如果繼續參與，應該需要留好長時間，所以最後我同佢講︰『好對唔住...唔好意思，我諗我真係要走嘞！』對方話畀啲時間佢同周生傾吓。」到第二日Bob收到回覆，星爺讚他過癮，想他留下來，「但係如果真係要應付學業，佢都唔想影響到我，叫我自己決定！最後，我同各人包括周先生逐一道別之後就返咗香港，臨走時劇組畀咗一封利是作為演出酬勞，而成件事亦告一段落。」
最後Bob反問自己：「過咗咁多年，有時都會心諗︰『如果當時繼續留低，到底我嘅人生軌跡，會係點呢？』如果你係我，嗰一刻，你會點樣選擇？」
【其他文章】：
「億萬駙馬」伍富橋與富貴老婆蜜月豪遊 生活富泰IG狂晒幸福肥
23位明星被爆真面目！男歌手廁所現身嚇到街坊窒尿 黑面鍾嘉欣終獲平反
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
