星光路上丨謝雪心家世顯赫名字與白雪仙有段故 曾獲林百欣封「亞視汪明荃」
發佈時間：10:00 2023-06-21
71歲人稱「心姐」的謝雪心，從影逾半世紀演出不少經典角色，但原來原名「孔令馥」的謝雪心，是孔夫子第76代傳人，而且又是任劍輝、白雪仙的門徒，藝名謝雪心，原來背後亦有段故！
【相關閱讀】：盤點10對「有親」藝人！廖碧兒舅父係搖滾之父 謝雪心係韓劇男神「太嫲」
【點擊睇謝雪心歷年相】：
日前謝雪心接受TVB節目《星光路上》的訪問，談到藝名「謝雪心」的由來，她說：「初初係唔明白，咪走去問仙姐點解叫『謝雪心』，而唔係姓孔，佢哋解釋就係感謝白雪仙師傅裁培嘅心，呢個名幾靚呀，所以我係好鍾意。」不過因為謝雪心加入「雛鳳鳴劇團」時已經是14歲，演出機會反而不多：「嗰陣任姐同我講，你哋鍾意學粵劇，而家已經係遲咗，我哋加入嘅時間已經係拍電影，所以係少啲機會。」
《巾幗梟雄》成事業轉捩點
謝雪心在1996年加入亞洲電視，首部劇集《親親，親人》，其後獲當時亞視董事長林百欣稱她為「亞視汪明荃」。謝雪心2008年重返TVB，首部參演電視劇為《巾幗梟雄》，劇中飾演辣的「大奶奶」殷鳳儀一角陰險毒辣，播出後受到觀眾歡迎，謝雪心更憑劇獲《萬千星輝頒獎典禮2009》「最佳女配角」，在訪問上她說：「好感恩有呢套劇，有一場本來係老爺要打個仔『必文』，咁我梗係自己打番好啲，手下留力，咪拎支棍打佢，點知我同時扭親隻腳，醫生話係筋膜炎，跟住同添哥（李添勝）講可以畀我做咗啲治療先返去開工，到第二日開工拍場探監戲，收工返去隻腳腫到似一隻半雞蛋咁大。」
古裝劇的文謅謅對白對謝雪心完全沒有難度，她最難忘拍《宮心計》時，有半頁紙對白去形容一支釵。但說到最具挑戰的角色，謝雪心直言是《法證先鋒IV》飾演的秋姐：「嗰陣係做馬姐，但係小青姐話我太瘦，我咪提議造一件棉質厚身底衫，着住睇落圓潤啲，結果成件事都出晒嚟效果好好，之後再諗對白唔可以用而家把聲，驚抽離以為係心姐，所以用鄉音，聽落舒服得多！」謝雪心覺得任何年紀都一定要有進步，只要自己還有魄力，仍會繼續演出。
【其他文章】：
袁文傑自爆曾被強迫向謝雪心女兒公開認愛：嗰一刻我又唔講得粗口
謝雪心憶ATV多靈異事跣親同神明有關 胡慧沖晒冷做幕後時所見所聞
69歲趙雅芝少女Look現身內地瞬間減齡廿年 零贅肉Fit爆身形震撼網民
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
