專訪丨周永恆疑遭內地妻屈家暴被捕！ 填詞人因葵怒斥有人偷工作錄音當證據
發佈時間：16:00 2023-04-22
現年周永恆2018年與內地女友陳薇（Britni）結婚，同年誕下一子，近日填詞人因葵在fb圖文並茂指周永恆遭Britni施暴，而且是在周永恆做完腦部手術後動手，因葵更直指Britni大話連篇，還誣捏「老公打老婆」。填詞人因葵（陸謙遊）今日（22日）接受《星島頭條》電話訪問，控訴Britni偷取他與周永恆的工作紀錄，當中包括咆哮、怒罵的聲音，誣捏周永恆家暴，Britni更報警處理，周永恆之後亦遭警方逮捕。
【相關閱讀】：
「世紀賤男」周永恆被爆遭內地老婆施暴 超恐怖傷勢曝光爆頭見血勁嚇人
周永恆遭太太施暴！內地太太陳薇首開腔回應 直指睇《愛回家》觀眾係白癡
【點擊睇周永恆遭內地妻施暴傷勢】：
因葵透露雖然認識周永恆叔父周啟生，但他與周永恆並不相熟：「2019年社會運動，我落去八卦先撞到周永恆，好似街邊維園阿叔吹水。」後來兩人開拓了一段藝術討論：「我哋中間傾咗好多音樂、哲學、健身嘅嘢，我本身都唔係好理啲人私生活。會一齊創作寫歌，我同佢越來越認識深咗，做咗大家嘅音樂監製。」因葵指近年的創作過程都是以真實作主題，包括雷有輝的《二十才前》、唐韋琪的《萬世韆鞦》，周永恆的企劃亦是如此。
切除腦瘤情緒好轉
因葵坦言與周永恆做「叔姪」初時，已深知對方患有情緒病：「佢成日鬧我，因為啲芝麻綠豆嘅事搞到好嚴重，例如我前年生日正日，佢好興奮咁買咗支酒話慶祝；我唔想慶祝，佢又過咗嚟，佢嗰陣突然好嬲、好嬲，鬧我『賤格、正X街』。佢（發脾氣）都會整爛嘢，而同係佢自己嘅嘢。」不過因葵指知道周永恆有情緒病後，反而更了解對方，看到兩人關係盲點。
去年底、今年初周永恆因腦瘤頭痛入院，後來做切除手術，因葵直指當時周永恆有種不一樣的感覺：「佢醒咗喺醫院同我報平安，開始有種唔同嘅感覺，佢啲情緒亦愈來愈好。」由於因葵與周永恆的合作講求情緒，於是與周永恆做情緒訓練：「好多嘢都係我叫佢做，我需要佢呢種情緒做創作，可以有個sample，因為我追求係真實性。」
老婆於兒子前企跳
因葵指有日突然收到周永恆太太的訊息：「佢掟咗啲相畀我話佢老公打佢，我都唔知佢老婆電話，喺我角度陌生人。」而Britni所指的周永恆家暴的錄音聲帶，因葵表示是周永恆情緒練習用的練音：「佢平時都會同我whatsapp自彈自唱嗰啲，有次我叫佢試下『吼！斬你ｘ母ｘ！』嗰啲。」他續指：「嗰日佢（周永恆）老婆同佢講揀名校，搞到家嘈屋閉，細節我唔係咁記得。」他強調是自己所見到的事情，後來Britni去了婦女庇護中心約一周，之後又返屋企，似是相安無事。
後來因葵再收到Britni的WhatsApp錄音：「咁我就聽啦，點解佢會錄周永恆練習過程，嗰個情緒崩潰、恐嚇、斬人嗰啲嘢。我都未應機，周永恆就打畀我，話喺朋友屋企，佢話『我老婆又鬼上身，今次對住個仔玩跳樓，個窗花細得淨過唔到。我而家怕咗佢，過咗去朋友度。』我叫佢等佢下咗啖氣先，轉頭周永恆同我講『我老婆報咗警，而家CID上嚟同佢錄緊口供。』都走咗避咗佢，甚至佢跳樓都畀周永恆錄咗段片，我喺佢部電話都睇過。」因葵還透露Britni經常「一哭二鬧三上吊」。
之後周永恆到天水圍警局查看，當時因葵都有陪他前往，後來因葵在外面等候不果，決定先行回家。周永恆後來致雷因葵指自己已被警方拘捕：「我老婆畀啲錄音差佬，而家要charge我。」因葵怒斥：「做乜X嘢啊？做乜拎人工作枱文件做犯罪證據啊？成件事好離譜喎！我公司啲project畀人做犯罪證據，咩料啊？我而家focus唔係家庭暴力，而係有人偷嘢。我先係受害人！我同拍擋做緊創作有人搞亂檔！」怒斥Britni使用工作錄音誣蔑周永恆家暴，更直指事件有如Amber Heard在床上拉屎屈Johnny Depp。
「佢現世還咗條數」
而周永恆被老婆施暴一事，因葵指：「係佢老婆發癲，用個除塵轆鋤落佢個傷口度（切除腦瘤手術的傷口）。佢嗰陣為咗保住自己老婆，話係自己整親，唔係佢老婆打佢。」身為佛教徒的因葵更認為周永恆已經得到他的報應：「你哋講嗰啲報應、因果，報咗㗎喇，佢現世還咗條數（之前家暴前妻趙頌茹），我作為在家人到佢還咗筆債好安樂，可以同佢繼續創作都好開心。」因葵在訪問過程中，透露周永恆情緒在腦瘤手術後已經好轉外，還不斷大讚周永恆轉數快、聰明，跟對方合作非常開心；而因葵在下月亦有新計劃推出。
【其他閱讀】：
方媛低調晒逾63萬首飾闢謠 私藏大量名牌極盡奢華 證郭富城絕不小器孤寒
Patrick Sir晒學生相曝光鄭嘉穎青澀樣 洪永城反叛Look似韓仔 某健美冠軍本來係肥仔
甘比11歲囝囝仲學激罕露面 健碩平頭似迷你版大劉同妹妹貼地玩遊戲
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
