金像獎2023｜韋家輝麥天樞陳偉斌奪最佳編劇 指劉青雲是怪物拍《神探大戰》飛紙仔高度完成
發佈時間：21:25 2023-04-16
【香港電影金像獎2023／紅地氈／金像獎2023】《第41屆香港電影金像獎》今晚（16日）在香港尖沙嘴文化中心大劇院舉行，由王丹妮及劉俊謙頒發「最佳編劇」，韋家輝、陳偉斌、麥天樞憑《神探大戰》擊敗眾對手奪得獎項。韋家輝已是第三度獲得此獎項，麥天樞是第二次獲獎，陳偉斌則曾度獲得殊榮。
【相關閱讀】：香港電影金像獎2023紅地氈丨林明禎透視裝亮相疑露「南半球」 17歲陳是知罕低胸晒長腿
【點擊睇最佳編劇】：
三人上台時互相推讓，最終由韋家輝率先上台，並從王丹妮手上接過獎項，韋家輝先多謝上帝、大會及英皇：「多謝好優秀嘅演員，成日喺我哋飛紙仔下，都可以演繹得咁好，多謝我哋兩位才子（陳偉斌及麥天樞）。」陳偉斌先三度多謝韋家輝：「多謝天樞、多謝（游）乃海，多謝我屋企人，多謝我天上嘅爸爸，多謝劉青雲，佢真係怪物，佢喺現場睇住我哋寫劇本，跟就收到就可以將成十行嘅對白，就背好晒，演得好好，多謝劉青雲，多謝《神探》。」
麥天樞先多謝父母，表示沒有他們便沒有自己，以及拍檔韋家輝、陳偉斌：「多謝台前幕後所有演員及工作人員，因為拍戲已經夠辛苦，但我哋仲唔畀劇本你哋，飛紙仔飛到最後一刻，如果唔係你哋全力付出，呢個戲都冇可能成真。」又笑稱因為趕劇本，搞到個人黐黐地，感謝女友的包容與他行落去。麥天樞又說：「我入行時有人同我講呢行係夕陽工業，我覺得佢哋冇講錯，因為太陽係會落山，過咗一段時間會升返上嚟，大家加油，多謝各位。」
此外，王丹妮及劉俊謙在頒獎時特別搞gag，先是向台下揮手笑而不言，之後劉俊謙問王丹妮：「你係咪有對白未講呀？」王丹妮說：「係呀！」劉俊謙就等她繼續說話，但王丹妮只再說一次「係呀」，劉俊謙稱要Cut機，裝作二人要商量，叫王丹妮拎出對白，最後二人扮改劇本宣布入圍名單。當公布由《神探大戰》的韋家輝、陳偉斌及麥天樞得獎時，王丹妮讀到第三人「麥天樞」時，一度語塞，問「樞」字點讀，氣氛搞笑。
【其他文章】：
金像獎2023丨80歲許冠文奪最佳男配角 自認「失敗哥哥」遺撼對許冠英太嚴苛：冇好好處理情緒
金像獎2023｜凌文龍談善言頒技術獎現蝦碌 《明日戰記》包攬最佳動作設計、最佳音響效果
金像獎2023丨《風再起時》連奪兩技術獎 蔡思韵寸《明日戰記》拍古天樂心事？
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
