張國榮逝世20周年丨大量生前珍貴片段逐格睇 鍾楚紅張曼玉《日落巴黎》成絕響

更新時間:14:00 2023-03-26
發佈時間:14:00 2023-03-26

今年是張國榮(哥哥)逝世20周年,一班生前愛錫哥哥的歌迷和朋友們,自發舉辦了不同的悼念活動,緬懷這位巨星昔日的風采,TVB亦為哥哥推出一連串以《永遠寵愛張國榮》為主題的特備節目,包括電影、劇集、音樂節目及綜藝特備節目等。在昨晚播出的一集,有大量哥哥昔日珍貴的演出片段,當年哥哥和譚詠麟的競爭最激烈,兩邊的fans多次掀起罵戰,節目上亦有播出在1987,哥哥在《歡樂今宵》上談到與譚詠麟競爭的看法,他說:「我同阿倫係好朋友,不過有時唔知為咗嗰啲乜鬼獎,無端白事唔知為乜,不過我都同班歌迷講,凡事以和為貴,佢哋好聽我話,所以以後都唔會有任何嘢發生!阿倫都有同我講過,一定要佢啲歌迷都係咁樣,如果唔係嗰啲就唔係佢啲歌迷。」多年後,阿倫亦在訪問上說:「私底下,我同哥哥係朋友,只不過當年係因為歌迷年紀細,再加上傳媒都覺得整兩個勢力出嚟,有得爭下好似好玩啲,其實我同哥哥係君子之交,仲係好朋友!」同時亦提到當年其中一個對哥哥影響最深的,就是許冠傑! 

【點擊睇哥哥昔日珍貴演出畫面】

在1992年《許冠傑光榮引退匯群星》的特輯上,哥哥曾說過:「 同阿Sam合作係我畢生,其實喺我嘅音樂事業上,係一個最突破嘅時刻,亦都係我覺得最興奮嘅時候,我同阿Sam嘅錄音方法好唔同,佢好勤力,要一路係咁唱好多次,但係我冇乜耐性,唱咗3次就覺得發忟憎,但係佢出嚟係永遠比我好,呢個係佢成功嘅主要原因!」

當年TVB會為歌手們炮製音樂特輯,哥哥當然亦有份參與其中,除了在1985年與李麗珍合作《驚情》外,他還與鍾楚紅和張曼玉首部音樂電影《日落巴黎》,鍾楚紅和張曼玉的顏值正值是巔峰時刻,執導的正是導演吳宇森。故事講Leslie(張國榮 飾)和Maggie(張曼玉 飾)本是一對,但由於Leslie要到巴黎讀劇劇,只好選擇與Maggie短暫分離。就在巴黎生活間,Leslie認識了畫家Cherie(鍾楚紅 飾),並發展出感情。後來Maggie來到巴黎探望男友,直覺告知她男友跟Cherie不是普通朋友這麼簡單,Maggie於是假借絕症為理由,要求結婚,令三人陷入膠著狀態,但其後張國榮曾承認間接開罪了兩位好朋友,鍾楚紅、張曼玉在參與拍攝工作時不開心, 令他感到左右做人難。到了1999年,哥哥重返巴黎再拍音樂電影《左右情緣》,女主角變成張栢芝。

【其他閱讀】

60歲關之琳有新戀情?孖高大小鮮肉遊藝術展被斷正 態度親匿似拍拖

陳百強胞兄近照流出精神奕奕 細佬贈名牌袋用足十幾年 多年對待歌迷如親朋

38歲鄧洢玲遊泰大量泳衣Look解放好身材  順應網民訴求公開澎湃正面照
 

《星島申訴王》於3月1日隆重登場,節目為民請命抱不平、追蹤城中熱話,亦會搜羅溫情小故事。你申訴,我跟進,搵91999933,《星島申訴王》隨時候命!
立即報料: https://bit.ly/3IMunqd
你的獨家報料一旦被採用及報導,將獲得乙份獎品。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ