孫慧雪晒4吋事業線獲封「最佳北半球」分享豐胸心得由A變C全靠每日飲兩樣嘢

更新時間：11:30 2023-03-11
發佈時間：11:30 2023-03-11

現年40歲的孫慧雪2016年與圈外老公結婚，翌年7月誕下大仔Riley，今年1月宣布懷第二胎。現已佗B五個月的孫慧雪早前特別去拍大肚寫真，記錄懷孕幸福時刻，一向身材豐滿的她上圍更明顯升了幾Cup，視覺震撼！近日，孫慧雪再於社交網大晒性感廣告照，相中她穿上粉紅色Girdle力谷4吋事業線，還開心宣布再做美胸代言人！

【點擊睇孫慧雪性感相】：

孫慧雪寫道：「女人一定要識保養，做咗媽媽更加要識保養，懷孕前後，都要去做胸部按摩，疏通乳腺！預防胸部漲痛，胸紋出現及產後漏氣皮肉分離情況！養胸養宮keep得到又keep得好。」之後更Hashtag強調「完全無墊無nudebra」，力證驕人身材屬真材實料，睇到個個眼凸凸，旋即吸引不少網民派Like：「靚到爆炸」、「冇得輸呀」、「氣球嚟㗎？好有效果喎」、「好波」、「最佳北半球視角又好誘人之身材嘅妳愈來愈吸睛」、「而家咁big爆，作為男性嘅我哋真係會頂唔順」，連索人妻陳詩欣都不禁心心眼：「你會唔會太正了，美媽。」

然而孫慧雪並非得天獨厚，她曾自爆大學時期因減肥令上圍變A cup，後來經過後天不斷努力才擁有豐滿身材，孫慧雪大方分享心得：「當時我每日堅持飲一杯木瓜奶同豆漿，持之以恆，上圍才變番B，之後再搵專業團隊幫手，再變現時C cup。」