4歲Lucy自行化妝技巧高超變「關公眉」出手極重粗過蠟筆小新老友左衛門

更新時間：10:00 2023-02-01
發佈時間：10:00 2023-02-01

李璨琛的4歲囡囡李元元（Lucy）因表演慾強又愛扮靚，可愛舉動一直獲不少網民喜愛。Lucy媽前日（30日）瞓不著，就上網出賣囡囡，公開一條片段及照片，見到凸晒肚腩仔的Lucy企上凳，望住塊鏡，估計是在浴室，Lucy媽寫道：「我個女真係好鍾意化妝」。見到Lucy拎住一支眉筆，好開心咁對住鏡為自己畫眉，初時Lucy好認真兼似模似樣，又畫得幾整齊，後來就搞笑當自己塊面是畫紙，由關公眉再變《蠟筆小新》中的「左衛門」，連自己見到都忍不住笑。

【點擊睇Lucy畫眉】：

而Lucy昨日（31日）趁農曆新年最後一日假期，就享受家庭樂出去食好西，Lucy媽寫道：「今日係假期最後一日，一瞓醒聽到隔離（籬）房有人一瞓醒就喊（好耐冇發生過），我同老公好好奇即刻問佢發生咩事，以為佢喉嚨痛啊定唔知整親呀，叫佢入嚟我哋房，跟住問佢咩事，佢話『因為我知道聽日要返學，我會好唔捨得媽媽⋯⋯跟住一路喊一路變杏璇，一路話會好掛住媽媽。隔離（籬）嗰個（老豆）個人即刻醒晒係咁問：『咁爸爸呢？你淨係唔捨得媽媽呀？』小朋友真係好可愛，完全冇諗過失驚無神瞓醒喊，會係因為突然間唔捨得老母我，老母覺得好驕傲呀 #沾沾自喜 #開心咗成日呀大佬」，不過Lucy全日最後的節目，是返屋企睇張天賦（MC）的表演。

【其他文章】：

柯震東毀容後首度「全臉」曝光經理人證復工網民見樣好驚訝

48歲楊采妮童年照出土天生一把女神黑髮玉女激罕狂野造型被翻Hit

15歲譚芷昀Celine 6年間暴風式成長《全美一叮》小妹妹蛻變成叛逆少女

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ