李嘉欣舊訪問翻hit罕談與大劉戀情 自認單純認做第三者曾傷害寶詠琴
發佈時間：11:00 2023-01-06
富商「大劉」劉鑾雄前日（3日）開記者會否認與呂麗君復合，更對往事有問必答，當中談及舊愛李嘉欣更是爆出不少秘聞，如2006年登報賀李嘉欣生日原來另有內情，以及商場The ONE亦非為李嘉欣而命名等。記者會上的言論令劉鑾雄與李嘉欣的往事再次成為全城焦點，連帶李嘉欣2006年作客《志雲飯局》談及劉鑾雄的片段亦翻Hit。
【相關閱讀】：李嘉欣17年前談劉鑾雄片翻Hit 稱輾轉得知舊愛登報賀生日：鼓勵佢同傳媒講
【點擊睇李嘉欣2006年談及劉鑾雄】：
李嘉欣當年於節目中除了回應劉鑾雄登報賀她生日外，亦她大方透露分手原因，她坦言自己只接受一夫一妻，「至少我係覺得，如果你講到咁鍾意我，點會之後仲有人出現啫！我接受唔到。」但當主持陳志雲問到拍拖時是否知道劉鑾雄的花心性格，李嘉欣表示：「因為佢嗰陣時講得好好聽，你知我單純呀嘛，我亦都當咗係真。但發現唔係嘅時候，咪唔想再糾纏。」
當年有傳李嘉欣曾致電劉鑾雄首任妻子寶詠琴，求對方讓出劉鑾雄，李嘉欣澄清沒有此事：「我唔會做呢啲咁樣嘅事，當時我同佢（劉鑾雄）嘅關係之中，有冇傷害到其他人呢？一定有，我當時冇理到……我好相信呢段愛情，我投入其中，亦都唔理得咁多，但喺我之後佢有其他女朋友，我覺得大家諗法唔一樣。」
談到一直被外界指介入劉鑾雄與寶詠琴的婚姻，她表示：「係咪第三者，我只會承認……如果你要咁樣講嘅話，我會承認我喺同劉生嘅關係中，我係傷害咗佢當時嘅太太。但係我只會負上一半責任囉，因為仲有嗰一半係我亦都好深信當時佢（劉鑾雄）講嘅嘢，之後我冇覺得我做過任何人嘅第三者。」至於李嘉欣經歷過陷入第三者疑雲，會否與有婦之夫保持距離，她坦言會更小心：「有埋文件證明佢已經離咗婚，但報導唔係咁寫，我諗我而家會好小心去衡量。」
【點擊逐句重溫睇大劉記者會「十大金句」如何句句有骨講到好勞氣】：
【其他文章】：
劉鑾雄記者會後呂麗君女兒劉秀盈首發文留7字 大批網民湧入留言
劉鑾雄記者會自爆遭前女友冒簽申請油卡 姊妹花詐騙持續年半總金額逾20萬
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
