李嘉欣17年前談劉鑾雄片翻Hit 稱輾轉得知舊愛登報賀生日:鼓勵佢同傳媒講

更新時間:17:30 2023-01-05
發佈時間:17:30 2023-01-05

富商「大劉」劉鑾雄前日(3日)開90分鐘記者會,雖然主題是否認與舊愛呂麗君復合,澄清是對方有困難尋求幫助,但記者會中亦回應了不少有關他的「都市傳聞」。其中大談舊愛李嘉欣更引起全城討論,大劉澄清已轉送給太太陳凱韻(甘比)的商場The ONE,並非如外界所傳為李嘉欣而命名,改名一事交由兒子劉鳴煒負責。

【相關閱讀】:劉鑾雄記者會自爆遭前女友冒簽申請油卡 姊妹花詐騙持續年半總金額逾20萬

【點擊睇李嘉欣17年前談舊愛劉鑾雄】:

2006年李嘉欣與富商許晉亨公開戀情,同年李嘉欣生日,一位神秘人於兩份報章登報祝賀李嘉欣,更以「The One」作為下款。及後大劉公開承認自己是神秘人,因此當年有傳The ONE是大劉為李嘉欣而命名。近日大劉於記者會罕談這件往事,稱登報非出於自願:「本人任何思想環境下、私人和工作上都無諗過The ONE,有人畀稿交畀我秘書去跟,叫到我就做,借我秘書呃咗個老襯。」大劉對商場被傳意指李嘉欣是他一生中至愛:「超!結果成功咗啦,我替佢開心呀!唔係咁易搵!」


李嘉欣作客《志雲飯局》受訪片翻Hit
大劉澄清言論一出,李嘉欣2006年於《志雲飯局》的受訪片即翻Hit!李嘉欣於節目中稱與舊愛劉鑾雄仍是非常要好的朋友,對方得知她有需要都一定會幫忙。而李嘉欣被問及大劉登報賀她生日一事則甜笑表示:「我諗佢愛惜我嘅心已經變成另一層次,因為今年(2006年)係一個特別嘅日子,因為係20.06.2006,佢認為一生人只會遇到一次。當然呢件事出咗嚟之後,有好多人會覺得咁你哋關係一定係點啦……你同佢而家一定仲好好,咁我同佢係好好,但只係朋友。如果我有咩唔開心,我會同佢講。」


李嘉欣:我唔知佢登報
陳志雲問到李嘉欣知否大劉為何以「The One」作為下款,李嘉欣表示:「我諗佢最初唔想署名囉!咁佢亦都冇同我講到……(陳志雲:你唔知嘅?)我唔知嘅。咁後來我都有問啦!咁其實……我都問咗幾個人嘅,問到……知道係佢。後來我鼓勵佢同傳媒……不如你講啦咁!因為唔想外界估嚟估去,都要件事快啲完咗佢,所以我鼓勵佢同傳媒講咗。」對於當年有陰謀論指登報一事是李嘉欣想令某人生氣、想逞威風,她亦否認傳聞。
 

【其他文章】:

李嘉欣激罕晒7人家庭大合照勁風騷 60歳胞姊李嘉明靚爆近況曝光

蕭若元反擊劉鑾雄冇新聞價值 再爆料直指大劉助養賊王家人

劉鑾雄記者會!重溫大劉十大金句 用「九尾狐」形容呂麗君 直指某人賤到無倫!

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ