陳豪呻廿四小時唔夠用

更新時間：02:14 2020-10-21 HKT
發佈時間：03:00 2020-10-21 HKT

傳舊愛廖碧兒明年嫁富貴男友Calvin，陳豪即送上祝福。

　　(星島日報報道)陳豪昨日與唐詩詠盛裝出席鐘表活動，擔任大會司儀的森美更化身成導賞員，帶領眾嘉賓經歷品牌60年的演變。有仔女萬事足的陳豪坦言每日24小時都不夠用，笑指疲累但非常享受。
　　陳豪透露有收藏手表，價值分為初級、中級及高級，現有最高價值手表達6位數字，他笑說：「到中級停咗，好耐無買手表喇！小朋友嘅學費我都有排玩！（太太陳茵媺收禮物會減少？）唔會！你哋依家聽到唔係我把聲，係另外4個人把聲嚟，哈哈！」唐詩詠分享初入行時買價值6位數字名表獎勵自己，但至今仍不捨得戴，陳豪即笑言：「唔用就真係嘥喇！新科技都變舊科技，快點戴啦！」
　　育有兩仔一女的陳豪表示，現時每分每秒都非常重要，笑指24小時都不會夠用。問到每日有多少睡眠時間？他笑說：「都OK嘅！但有時半夜起身，要睇下邊個無襟被，要陪邊個屙夜尿。（女兒最黐身？）不一定，有晚半夜其中一個跳上了我哋牀，後來先知道係二仔。（會阻礙你夫妻二人時間？）唔會，有小朋友嘅生活就係咁，雖然係攰，但係好enjoy。」問到唐詩詠可會羨慕？她笑說：「我都有三個小朋友（貓），兩個係老人家，一個係BB。每日起身都係照顧佢哋先，我完全體會到湊仔嘅感受，相信第日有小朋友我都應付得到。」
　　此外，有傳元祖級「拜金女」41歲廖碧兒，將於來年3月下嫁給坐擁30億身家男友Calvin。提到舊愛來年出嫁，陳豪笑說：「確實先，Anyway 我送上祝福。」
　　