Cally - 新城市廣場 × POP MART打造DIMOO佈置 雙重購物優惠搶攻5.1黃金周商機 | 商界講呢啲

新鴻基地產旗下新城市廣場喺五一勞動節假期投放700萬元推廣費,首次聯乘POP MART人氣角色DIMOO及一眾迪士尼人物打造主題佈置;同時亦推出「Just Buy Weeks年度感謝祭」、「玩樂滋味泊住賞」優惠活動,吸引旅客來港過節體驗氣氛之餘,同時推動本地顧客留港消費。
新鴻基地產代理有限公司租務部副總經理許嘉雯小姐表示:「POP MART近年嘅盲盒IP角色風靡香港及國內市場,相信今次佈置可吸引大批粉絲到場打卡玩樂。另外年度購物慶典感謝祭Just Buy Weeks亦同步舉行,鼓勵顧客到場消費,料5月份商場整體人流同生意額按年分別上升10%及12%,當中以餐飲、AV、珠寶鐘錶及美妝產品最為受惠。」
由即日起至6日30日舉行嘅DIMOO WORLD DISNEY SHOW設有7大打卡位,包括4米高Mickey TV Show特大鐘樓等,俾大家展開沉浸式打卡旅程。場內亦準備咗「新城市廣場×DIMOO WORLD」2026獨家年曆卡及貼紙套裝換領,只要搵到「DIMOO蓋印處」並集齊5個印章及指定消費,就可以將獨家禮品帶返屋企。
同時新城市廣場將舉行年度感謝祭「Just Buy Weeks」,除咗有近200項低至二折的商戶折扣優惠外,亦推出各項消費回贈,包括最高消費王獎賞及額外積分獎賞等。同期場內亦會推出「玩樂滋味泊住賞」,送出高達$540商場餐飲、超市百貨禮券及5小時免費泊車,等大家吃喝玩樂更着數。

新鴻基地產代理有限公司租務部副總經理許嘉雯小姐。
最Hit
「霸道影后」與兒子關係惡劣?高壓管治逼出情緒病 向老竇投訴換一個媽咪:太自我中心
2025-05-11 09:00 HKT
70歲TVB「億萬歌后」長居新加坡兩層半豪宅曝光 超慳家麻雀都唔打 嫌錢腥拒唱紅館:我唔等錢使
2025-05-11 10:00 HKT