Cally - 5億港元大變身好運中心換上全新面貌「潮食樂園」定位打造年輕娛樂新熱點開幕宣傳聯乘人氣插畫師　料人流上升利生意 | 商界講呢啲

更新時間：02:00 2024-07-19 HKT
發佈時間：02:00 2024-07-19 HKT

位於沙田嘅好運中心開業至今接近40年，為咗改革成嶄新娛樂熱點，華懋集團斥資5億港元、喺2021年開始分4個階段為商場進行「大翻新」。經過3年嘅優化工程，近日終於宣佈竣工，華懋集團資產管理租務部總監梁力宏先生稱商場以「潮食樂園」年輕化面貌全新登場，餐飲商店佔樓面面積三成半，佔整體商戶數目四成多，預計慶祝活動可帶動人流逾900萬。

　　今日商場招待傳媒行一圈，發現好運中心引入更不少特色人氣餐飲，包括手工意大利麵打卡餐廳「Y Pasta」、曾獲米芝蓮推薦主打上海菜嘅「豆漿大王」、人氣老字號甜品店「地茂館」、沙田區首家「農耕記」及性價比極高的爆紅手搖茶飲店「蜜雪冰城」等，仲有條「潮人巷子」打造成美食街一樣，方便大家搵食。

　　「大翻身」後嘅好運中心仲聯乘地道人氣插畫角色，舉行主題活動《為食喵集合~喵LUCKY都畀晒你！》，為商場打響頭炮，吸引一家大細、男女老幼前來分享「好運」。

「為食LUCKY Cats」吸睛

主攻Gen Z及年輕家庭群

　　好運中心翻新之後，除咗裝修格局、餐飲口味變得年輕，推廣活動同樣為「Gen Z」及年輕家庭而設，今次的《為食喵集合~喵LUCKY都畀晒你！》聯乘好受年輕人喜愛嘅本地插畫家，包括大麻成、Cheeky Cheeky、Pipi、DD仔及肥蛙等創作咗「為食LUCKY Cats」，其中5米高「萌到爆燈大麻成」吉祥物戶外充氣裝置好吸睛，歡迎市民打卡掃描優惠。