KellyChu - 深圳麥當勞有油條配粥 香港有麥香餅恨死隔離 | Executive日記
KellyChu
2024-04-05 02:00 HKT
字體大小
全面通關之後，香港人北上消費變成大趨勢，每逢周末假日大家逼爆內地，貪其餐廳品牌選擇多多，而且性價比高。有網民近日就喺小紅書上比較深圳麥當勞及香港的麥當勞，俾佢發現，兩地嘅麥當勞Menu係唔同嘅！深圳麥當勞早餐竟然有油條有粥食，但內地網民就非常羨慕香港麥當勞為港人提供又香又軟綿綿嘅麥香餅嘞！
網民話，兩地嘅麥當勞餐牌上係有差別嘅，深圳麥當勞竟然有油炸鬼，亦有雪菜脆筍雞肉粥，可謂相當之中式。早晨套餐亦有漢堡包配上熱粥、薯餅、和豆漿，非常之新奇，食品選擇與香港嘅早晨全餐都幾唔同，但套餐價錢則與香港相差無幾。
但唔少內地網民留言話，好羨慕香港麥當勞早餐更吸引更豐盛，因為「深圳沒有麥香餅！」、「每次到香港都必食麥香餅」、「香港M記贏在麥香餅」等。Kelly都係麥香餅嘅粉絲，真係好滑好綿又好香。
KellyChu
更多文章
