Cally - 東海堂新推聯乘賀年禮品迎新春｜商界講呢啲
Cally
2023-12-30 00:00
字體大小
聖誕節啱啱過咗，農曆新年話咁快就到，又係時候準備入手賀年禮品送禮嘞。東海堂今年與日本著名人氣插畫家霜田有沙再度合作，聯手推出「東海堂×霜田有沙蛋卷禮盒」，香濃嘅原味蛋卷喺超萌嘅貓貓及桃紅色背景襯托下，凸顯出新春嘅喜慶氣氛，愛貓之人更加係百看不厭。另亦可以考慮「SPY×FAMILY間諜家家酒｜東海堂禮盒」，禮盒分別以洛伊德．安妮亞及大型犬彭德為設計藍本，入面係北海道3.6牛乳曲奇同埋原味杏仁條兩款烘焙小食，禮盒仲可以當手提行李箱用O添。依家憑禮券換領或購買現貨可以換購雙面設計嘅可愛環保袋，送俾年輕嘅親友啱晒。長輩嘅話可以揀啲較傳統嘅禮盒，例如嚴選日本優質食材，並糅合現代職人製餅技藝，製作出多款賀年新品禮盒，包括由北海道元貝蘿蔔糕和椰味香濃嘅椰汁年糕配搭而成嘅「賀正迎春年糕禮盒」、蛋香濃郁嘅「原味牛油蛋卷」、糅合原味細蛋卷、牛油及咖啡味曲奇嘅「花禮雙層禮盒」，以及由焦香嘅杏仁條和鬆脆嘅甜心酥合拼而成嘅「和式花海禮盒」，令呢個新年嘅賀年美食唔再單調。
*滙豐7折價至2024年2月4日，特價及會員價至2024年2月10日。
Cally
更多文章
