頭條戲場 - 《重慶森林》 懷念在荷里活道夢遊的日子 | 頭條戲場
頭條戲場
2024-05-13 02:00
字體大小
故事講述警員223（金城武飾）及警員663（梁朝偉飾）先後失戀，一個唔肯面對現實，以為女友同佢講笑，一個選擇默默等待空姐女友回歸，然後前者流連在人來人往的小食店，每日都買一罐5月1日生日到期的菠蘿罐頭，又告訴自己若然生日那天，女友還不回來，就宣告這段戀情已經過期。至於後者，失戀選擇跟家中的死物對話，有一日發現王菲飾演的小食店店員阿菲出現在自己屋企。
所有角色都好可愛
獨白是王家衛獨特的敘事模式，觀眾無從得知223、663、金髮女子（林青霞飾）及阿菲的背景，223和女友為何分手？金髮女子為何販毒？但從王家衛賦予角色的獨白，令觀眾知道角色的內心世界，未睇過的年輕觀眾應該會睇得好過癮。另外，王家衛亦擅長用音樂講故事，我最愛的偉仔跟阿菲的一段夢遊式愛情，由The Mamas & The Papas的《California Dreamin'》貫穿，加上王菲主唱改編愛爾蘭樂隊The Cranberries名曲《Dreams》的《夢中人》，兩曲同樣跟夢有關，懷念兩人當年在荷里活道上發着的加州夢。
見到戲中已成歷史的舊物感受好深，如call機、電話亭、賣玩具的地舖、便利店可租錄影帶等。人大了自然明白，世界上，所有事物都會過期。
頭條戲場
香港已久未有賣玩具的大間地舖，𠵱家連網店都難做。
警員223在電話亭覆機，睇吓部電話舊到。
偉仔的家居服就係白背心同白色三角褲，出鏡率好高。
小食店員阿菲，好似小精靈，做乜都好好睇。
失戀的223跟金髮女子有一夜感情，最後換來一句生日快樂。
偉仔同女友（周嘉玲飾）有勁hot親密場口，由互摸到攬錫，好好睇。
梁朝偉第一套拎金馬及金像獎影帝的電影，30年前嘅佢真係不得了。
更多文章
