家長群組瘋傳港媽幫女兒拍片報名校 囡疑因不合作被掌摑致紅腫
發佈時間：01:24 2023-03-17
這3年受疫情影響，不少幼稚園、小學都以學生自行拍攝影片代替親身面試，作為初步評核小朋友表現的一個項目。近日於網上流傳多張家長WhatsApp群組截圖，內容有關一名港媽指自己為女兒拍片報考名校時，疑因女兒表現不合其心意，竟掌摑女兒發洩，更不諱言女兒面頰因掌摑出現紅印，欲以「搽粉」遮掩以便繼續進行拍攝！此事令其他家長感到憤怒，因不認同其行為而將截圖放於討論區，帖文一出隨即引來熱議，網民直斥港媽離譜，紛紛留言表示事主「虐兒呀」、「呢啲人仲有資格做人阿媽？」、「咁細個都打得落手」。
女童拍面試片表現不佳 疑遭港媽掌摑體罰
近日於連登討論區上有一文：「癲x虎媽，為咗拍片報學校打x個女，再用粉底遮紅印再拍」，樓主上載兩張WhatsApp截圖，留言指有一港媽為了幫女兒拍片報考名校，因小朋友表現「唔啱心水」而被打，樓主望如有幼稚園收到該名家長的申請，「真係要考慮吓報警救吓個小朋友」。兩張圖片為WhatsApp截圖，該名港媽於訊息中提及小朋友「俾我星咗一巴」、「明玩嘢」、「而家哭都唔敢，坐喺度」、「唔好拍，唔好讀呢間」、「我接受唔到佢咁樣」、「叫佢坐定就唔答，仲奸笑」、「而家搽粉，遮紅印，再拍」。
截圖上有3張小朋友相片，貼於討論區時小朋友樣子均被「打格」隱藏。有家長群組的家長向本刊展示原圖，相中顯示截圖中的小朋友約2歲，第一張圖小朋友右邊面頰出現紅印，眼睛、鼻子有曾哭泣的痕跡；而另一張原為影片，影片封面圖見小朋友正用紙巾拭抹眼睛，疑似在抹眼淚；最後一張亦為影片，影片封面圖見小朋友正在把玩疑似粉底粉撲。
點擊圖片瀏覽小朋友疑因母摑致面紅腫及網民意見：
帖文引起公憤：「咁細個都打得落手」
帖文一出即引來公憤，網民紛紛直斥港媽行為離譜，「星咗一巴都夠膽同人講」、「唔X想教唔好生喇垃X圾」、「佢係咪覺得自己好威？」、「乜而家虐兒都咁大聲話畀人知㗎咩」、「呢啲人仲有資格做人阿媽？當個女係工具」、「都話生仔要考牌」。也有不少網民認為要報警求助，直指「虐兒呀」、「咁細個都打得落手，我報警拉妳」、「呢啲咪證據囉，叫個阿媽自首啦」。
疑曾因拉扯致女兒甩骹
除了疑似掌摑女兒致其面頰出現紅印，有網民貼出港媽於Facebook專頁的其中一個帖子，指小朋友早前疑因「甩骹」到醫院求醫，當中港媽寫：「#男人湊女系列」、「#等海洋列車拉起呀女」、「#拉到個女隻手呀女叫100次AmeGetHurt」、「#呀女十個鐘完全唔用左手」，港媽表示「#成晚諗左好耐女係堅定流痛」、「#試左比糖比餅隻手唔郁」、「#比utube佢睇靜靜摸佢又ok」，但隨後「#回家越試越心荒」，故女兒到醫院，可惜因太夜未有兒科醫生，也未能照MRI，惟有只「睇左醫生先」。此截圖引來網民猜測熱議，「好難想像要幾大力先會扯到甩骹」、「我細個都試過俾老豆扯到咁 佢根本燥狂」、「老豆仲大力 可以扯甩骹」。
有家長揭其催谷女兒 港媽寫千字文反駁
另有於該家長谷的家長透露，港媽加入了多個家長谷，包括不同幼稚園家長谷、「同月生日小朋友」谷等等，為女兒報考多間名校，也指有人為催谷女兒，安排小朋友一星期上五日Playgroup，但由於女兒太累，致她需於的士進食及補眠；亦有指有人經常炫耀女兒能力，指女兒為同齡100個、1000個小朋友中，屬於「最top嗰個」，也聲稱女兒「淨係識英文，中文唔得」；港媽亦向其他人表示女兒得到多間名校offer，又加入」有offer」群組，但其實並未得到取錄。
網民其後找出港媽開設的Facebook專頁，但隨後被愈揭愈多，包括與女兒的合照及於不同群組的對話內容截圖，最後港媽關閉Facebook專頁。討論區之後有人貼出港媽於Whatsapp群組內發出一篇「千字文」，內容指責其中一位群組成員，斥對方表面友好，但背後卻暗箭傷人，不但將她於群組對話、女兒照及影片外傳，狠批對方行為傷害她及其女兒，更在公布錄取通知時期公審她。她更表示自己有對方孩子的相片、資料及全家福等，自己的容忍度「已經到臨界點」，警告對方停止惡行，稱「口告之罪，日後要還」。
資料來源：連登討論區、讀者提供
